K Chef Story

营业中

休息中

最近忙到痴哂线，唔好话屋企煮，连出去食都无时间。🥲出开屯门市中心做野，见到个萤幕menu有泡菜饭卷同炸鸡嘅韩式餐厅，我即刻狗冲去买外卖！！！店员同厨房都系韩国人，识简单嘅广东话，由韩国人主理嘅餐厅，直觉系比较好食嘅😂😂咁我叫咗三样野食。黄金蜜糖无骨炸鸡（全只），kimchi煎饼，芝士紫菜饭卷。一见佢拎个外卖袋出嚟，忍唔住哗一声，金色好靓，连个炸鸡都有特别嘅纸盒装住，好抢眼😂返屋企果阵经过七仔买野饮，店员姐姐都闻到炸鸡嘅香味，眼甘甘望住我个金色袋问边到买，猛话好香😂😂黄金蜜糖无骨炸鸡（全只）返到去都差唔多隔咗一个钟，打开纸盒，一大盒炸鸡仲热㗎，同埋好香，金色嘅外卖袋应该系铝纸嚟，有好好嘅保温作用。蜜糖味嘅炸鸡好好食呀，啖啖肉无骨真系一流。kimchi煎饼 食落几惊喜，泡菜量好多，唔会食落成口饼咁，而且泡菜微辣，几开胃。芝士紫菜饭卷 好长一条嘅饭卷！入面算好足料呀，芝士配搭上满满蔬菜嘅紫菜饭卷，食落口感比较清爽，唔会好腻。原本望menu仲有唔少韩式便当睇落都好吸引，不过留返下次得闲d先，有时间堂食我会再去试。