影片
更多
2022-11-14
334 浏览
平时真系超少入嚟科学园，发现科学园原来都开左唔少新嘅餐厅。不过今次同朋友都系嚟左依间好多地方有分店嘅sensory zero食，主要系朋友话好耐无食而且食物质素唔错。餐厅环境都几舒适，空间开扬，同埋见侧边仲有个位置可以坐塌塌米，好似好relax咁。食物嚟讲价钱唔算平，基本上大部分餐点都要超过$100，不过款款睇落都几吸引。可惜因为唔算好肚饿嘅关系，最后都系叫左个意粉，如果唔系其实都想试下佢个All day breakfast。慢煮鸡胸肉茄汁扁意粉（$92）本身谂住个意粉都系平平无奇，但食物嚟到嘅时候有成功引起我嘅食欲，鸡胸肉已经切好一块块方便食用，而且值得一赞嘅系虽然鸡胸，但系食落都好嫩滑，一啲都唔觉得干柴或者口感好"鞋"，可能同慢煮有关，觉得几好食。而意粉质感亦都颇弹牙，唔会话煮得好淋，个人几满意个口感，配埋番茄酱酸酸甜甜几开胃。而且有啲意外嘅系碟意粉嘅分量都几多下，鸡肉亦比得好足料，唔似平时去开cafe食物分量都偏少。加上见其他朋友叫烧春鸡、猪排饭嘅分量都好多，大家都话食到好饱，令我觉得依间餐厅嘅性价颇高。另外，其实听朋友讲sensory zero一定要必试嘅系朱古力饮品，可惜我本
餐厅环境都几舒适，空间开扬，同埋见侧边仲有个位置可以坐塌塌米，好似好relax咁。食物嚟讲价钱唔算平，基本上大部分餐点都要超过$100，不过款款睇落都几吸引。可惜因为唔算好肚饿嘅关系，最后都系叫左个意粉，如果唔系其实都想试下佢个All day breakfast。
慢煮鸡胸肉茄汁扁意粉（$92）
本身谂住个意粉都系平平无奇，但食物嚟到嘅时候有成功引起我嘅食欲，鸡胸肉已经切好一块块方便食用，而且值得一赞嘅系虽然鸡胸，但系食落都好嫩滑，一啲都唔觉得干柴或者口感好"鞋"，可能同慢煮有关，觉得几好食。而意粉质感亦都颇弹牙，唔会话煮得好淋，个人几满意个口感，配埋番茄酱酸酸甜甜几开胃。而且有啲意外嘅系碟意粉嘅分量都几多下，鸡肉亦比得好足料，唔似平时去开cafe食物分量都偏少。加上见其他朋友叫烧春鸡、猪排饭嘅分量都好多，大家都话食到好饱，令我觉得依间餐厅嘅性价颇高。
另外，其实听朋友讲sensory zero一定要必试嘅系朱古力饮品，可惜我本人唔太好朱古力，唯有睇住朋友饮。见到成杯野嘅第一感觉就系超级朱古力，连个杯柄都沾满左朱古力，佢仲会专登提供湿纸巾，都几贴心。朋友形容好好饮，朱古力迷应该几适合，而且都几啱打卡用，非常吸睛。整体嚟讲虽然价钱唔系平，但环境同食物分量味道都唔错，下次同朋友聚餐都会再考虑。
张贴
