Ufufu Cafe (已結業)

应该大部份人都系同我一样，为咗佢嘅芭菲慕名而嚟。所以为咗留肚食甜品，除咗铁板炸鸡外，我哋只系叫多个牛油果大虾凯撒沙律。『铁板南蛮炸鸡』系值得推介项目，加咗葱煮当然比较香，配埋 tar tar sauce 又变得唔会太干身。鸡肉滑滑 der，但始终系铁板烧，食物放太耐质感都会有所改变，所以系建议趁热食。唯一 comment，我个人唔太喜欢垫底嘅一大堆芽菜。『牛油果大虾凯撒沙律』卖相普普通通，份量唔算好多但生菜好 fresh，另一美中不足嘅地方系啲虾细粒咗少少。到咗重点嘅芭菲，佢有超过 100 款选择架，如果你有选择困难症，除非你有特别喜好或 preference，我建议你不如咪埋眼求其点一个应该会快啲。每款都有好几层 layers，有 soft ice-cream， 有 corn flakes，有 jelly，层层都唔同口感。啲生果又几鲜甜，应该系日本直送吧？起初只知道呢度系食芭菲，食埋佢嘅咸点真系几喜出望外！我谂我会返嚟试佢个铁板汉堡！