影片
更多
2022-05-06
151 浏览
难得晚市堂食开返，终于都可以去大擦一餐，不嬲都好钟意食日本嘢，之前经过大埔墟装修好日本系嘅一鸣丼食堂，都一直好想试吓，今晚经过喺门口睇完餐牌之后，就冲入去试吓🤩呢度除咗吧枱位置，另外仲有二人枱四人枱位置选择。墙上柜上仲有好多日本清酒、饰物及壁画作为装饰，感觉到好浓厚嘅居酒屋气氛。店员好快就俾咗两杯热茶我哋，一边拣嘢食一边饮啖茶暖下胃。餐牌上嘅丼饭图文并茂，睇到都觉得好吸引，总共有八款选择。见到呢度嘅寿司有成25款咁多选择，即刻要买返几款试吓，我哋一口气就叫咗四款，每款寿司有两件。三文鱼腩寿司每一次食日本嘢都会叫，钟意佢嘅腩位够晒肥美，咬落去又有口感。除咗钟意食拖罗，亦都好钟意食免治吞拿鱼军舰，一啖放落口绵绵嘅免治吞拿鱼口感，加上外皮香脆嘅紫菜，再点豉油Wasabi，就够晒Fresh。还有朋友最喜欢嘅炙烧鳗鱼寿司，烧一烧确实系特别香，鳗鱼亦都好大条有份量，食落去只系有少少骨，啖啖爽脆。炙烧左口鱼裙边寿司同样都系炙烧后，令鱼油渗透出嚟更香，加上香葱粒伴以豉油一齐食，更加滋味呢。另外再order左几款熟食，食完我哋二人都感觉好满足好饱肚了。#大埔一鸣丼食堂 #一鸣丼食堂 #大埔日本菜
难得晚市堂食开返，终于都可以去大擦一餐，不嬲都好钟意食日本嘢，之前经过大埔墟装修好日本系嘅一鸣丼食堂，都一直好想试吓，今晚经过喺门口睇完餐牌之后，就冲入去试吓🤩
呢度除咗吧枱位置，另外仲有二人枱四人枱位置选择。
墙上柜上仲有好多日本清酒、饰物及壁画作为装饰，感觉到好浓厚嘅居酒屋气氛。
店员好快就俾咗两杯热茶我哋，一边拣嘢食一边饮啖茶暖下胃。
餐牌上嘅丼饭图文并茂，睇到都觉得好吸引，总共有八款选择。
见到呢度嘅寿司有成25款咁多选择，即刻要买返几款试吓，我哋一口气就叫咗四款，每款寿司有两件。
三文鱼腩寿司每一次食日本嘢都会叫，钟意佢嘅腩位够晒肥美，咬落去又有口感。
除咗钟意食拖罗，亦都好钟意食免治吞拿鱼军舰，一啖放落口绵绵嘅免治吞拿鱼口感，加上外皮香脆嘅紫菜，再点豉油Wasabi，就够晒Fresh。
还有朋友最喜欢嘅炙烧鳗鱼寿司，烧一烧确实系特别香，鳗鱼亦都好大条有份量，食落去只系有少少骨，啖啖爽脆。
炙烧左口鱼裙边寿司同样都系炙烧后，令鱼油渗透出嚟更香，加上香葱粒伴以豉油一齐食，更加滋味呢。
另外再order左几款熟食，食完我哋二人都感觉好满足好饱肚了。#大埔一鸣丼食堂
#一鸣丼食堂
#大埔日本菜
张贴
