Joe Bananas (已結業)

Office近告士打道，湾仔多offices，lunch时段往往好多人又逼住晒，有次男友介绍我去呢家食lunch。去过两次，感觉都唔错。环境方面，由于佢本身系一间bar，而且系卢押道呢d比较偏的位置，lunch时段都唔会太多人。装修ok，地方也够阔落。Lunch sets大约有10款，全都是$69，仲可以包一杯红/白酒(当然，好多office都唔希望员工lunch time饮酒既)。第一次叫左个burger，第二次个set已经唔记得左叫咩名(d set的名都几难记)。第一次叫的burger真系份量十足，一个女仔系唔会食得晒的。味道唔错，都算juicy，而且d薯条都好脆，不过食左一半已经好饱了~第二次叫的set的味道几特别。用两个muffin做底，上面有菠菜同埋ham，最顶仲有只半熟的蛋。卖相几靓。味道方面，几样材料都好match，菠菜够healthy，而蛋亦好滑。今次的份量刚刚好，唔会浪费食物。服务都算唔错，lunch去食亦都唔需要订位。可以舒舒服服咁食一餐lunch，最适合约朋友仔一齐去。