影片
更多
2018-08-01
26 浏览
有日放工落好大雨，原本谂住揾个位避雨既，无意之中发现呢间酒店basement开左个food court，就入去揾下好野食。呢度都好多选择，拣左呢间越南野，睇落好似好一般，不过食落都几有惊喜。叫左个越式鸡丝沙律，个名好似好普通，不过一出黎真系好惊人。份量好大，有大量菜同洋葱，鸡丝都好多，好清新，绝对系健康之选。黎到呢度当然要食越南河粉，叫左个最贵既特式牛汤粉，有分普通size同大size，卖到$98同$128。点解咁贵，因为有六样𩠌，生牛肉、牛坑腩、牛筋片、牛腩边、手打牛丸同牛柏叶，真系好好好牛。除左个汤底有好清甜既牛味外，牛既配料都好用心，牛肉岩岩好熟而仍然软稔、牛腩好有牛味、牛筋切到一片片容易入口、牛丸好弹牙，所以呢个绝对值回票价，而且两个人食都唔算少。另外个虾饼都要赞，热辣辣脆卜卜，虾滑弹牙同埋真系有只虾系入面，很不错。我仲好中意个猪颈肉，肥膏既部份都几多，好甘香，配碗白饭就一流。最后个米纸卷就正常啦，都ok既，不过实在太饱了。总括黎讲，呢度性价比都几高，而且food court黎讲都算十分好坐，得闲可以返黎encore。
呢度都好多选择，拣左呢间越南野，睇落好似好一般，不过食落都几有惊喜。
叫左个越式鸡丝沙律，个名好似好普通，不过一出黎真系好惊人。份量好大，有大量菜同洋葱，鸡丝都好多，好清新，绝对系健康之选。
黎到呢度当然要食越南河粉，叫左个最贵既特式牛汤粉，有分普通size同大size，卖到$98同$128。点解咁贵，因为有六样𩠌，生牛肉、牛坑腩、牛筋片、牛腩边、手打牛丸同牛柏叶，真系好好好牛。除左个汤底有好清甜既牛味外，牛既配料都好用心，牛肉岩岩好熟而仍然软稔、牛腩好有牛味、牛筋切到一片片容易入口、牛丸好弹牙，所以呢个绝对值回票价，而且两个人食都唔算少。
另外个虾饼都要赞，热辣辣脆卜卜，虾滑弹牙同埋真系有只虾系入面，很不错。
我仲好中意个猪颈肉，肥膏既部份都几多，好甘香，配碗白饭就一流。
最后个米纸卷就正常啦，都ok既，不过实在太饱了。
总括黎讲，呢度性价比都几高，而且food court黎讲都算十分好坐，得闲可以返黎encore。
张贴
