堅信號上海生煎皇 (愛定商場(H.A.N.D.S) A區)

营业中

休息中

秘制猪扒汤面猪扒好淋又多汁，味道似叉烧嘅蜜糖味， 本身觉得有惊喜有几好食，唯独系猪扒冇翻热，冇咩温度。汤面普普通通。川味口水鸡翼菜饭放冻咗嘅鸡翼淋上川味口水汁，食落去偏辣，冇咩麻嘅感觉，菜饭亦都普通。红油韮菜饺普通韭菜饺淋上辣汁，其实都几好食，不过又系放耐咗冇翻热。坚信号生煎包另一样我会想喺度食嘅就系生煎包，皮虽然厚左啲，但系煎得够脆，而且真系会爆汁，作为佢嘅主打其实都ok。坚揪小笼包&蟹粉小笼包正常质素，多肉多汁，系热辣辣嘅。蟹粉小笼包有多少少蟹粉喺上面，食落去同普通小笼包其实差唔多。猪扒同生煎包其实都唔错，但系其他款式需要改善，尤其系食物保温方面要考虑一下。