麵麵店 (已結業)

佳佳以外车仔面之选有面面店。呢度兼卖饭餐，嫌猪鸡牛太普通，叫个咖喱鱿鱼饭应系够晒闪耀。闲日供应的四𩠌餐连冻豆浆，可以拣餐单上唔同价钱的所有𩠌。四个𩠌拣晒贵价货当然冇问题，但留意返，份量唔多架，每款大约两件，咖喱鱿鱼为例，少过街边小食店的一串装。平价𩠌份量就多啲，卤水豆腐、牛膀同鸡肾够入味，酸斋都系佳佳胜出。每次嚟食鸡肾的份量都唔同，鸡肾原只上，唔系切片装，好特别。每张枱都有樽辣菜脯，好啱放汤食。最重要系试吓味先好落，佢都几辣架。呢度食物味精度冇佳佳咁劲，工业风装修似去咗 café。虽然喺坐硬圆櫈，但都坐得舒服，冷气开大啲会更加好。