GāGǐNāng 飯館 (已結業)

两公婆行街经过见到间餐厅个名几得意。我系潮州人当然知道呢间系「自己人」菜馆。太太嘅口味已经比大多数潮州人嘅更加潮州人，所以就订张枱今日同两个女嚟饮茶。餐厅环境唔错，布置比较西化，对住维港靓景。点心以广东点心为多，中等价钱，比酒店中菜厅平，比街坊酒楼贵。虾饺唔错，几鲜味，灌汤饺几够料，有原只瑶柱，点心一般都唔错，唯独鲜虾肠粉较差，啲虾又嚡又冇味。潮州点心叫咗个韭菜粿，太太话皇后街街市曾记嘅好食啲同平啲。甜品叫咗个好耐冇食嘅清心丸绿豆爽同埋个外型好有特色嘅鸟巢布甸。