影片
更多
2017-07-07
2169 浏览
较早前于openrice 睇咗筲箕湾明星金阁营业时间至23：30，于是星期四晚就约咗几个朋友系筲箕湾明星金阁食晚饭，但系因为有个朋友收工时间会晏啲，所以我哋就约咗晚上9：15到酒楼，而我哋都未斋人就已经开始叫𩠌，边食边等嘅时候，大约9：45酒楼侍应就开始收餐牌，于是我哋就问仲可唔可以叫𩠌，佢就话：“要快！因为厨房已收炉，只可以叫小炒。”于是我哋想叫咕噜肉，点知又话，只得生炒骨，唉～唯有照落单啦，因为真系惊唔够食。点知嚟到，碟生炒骨，全肥肉，虽然我无食，但所有朋友食咗都话好肥，早知就唔叫啦，无谂到厨房赶住收工，竟然都揾啲咁肥嘅肉嚟赶客…😧最后未到十点，就已经开始陆续熄灯及冷气，以及叫我哋埋单先，虽然无催我哋走，但系企后面个女侍应块面色真系难睇到吓死人！亦睇住好多员工陆续收工收人，哗，如果咁早收，啲职员就应该同我哋讲声啦，无理由搞到我哋去酒楼食晚饭，变到好似去快餐店食快餐咁，赶头赶命，食完都成身热哂！😡经过今次嘅经验，以后都唔再相信网上睇到嘅营业时间，以后都系要自己打电话问清楚，亦唔好以为酒楼一定收得夜！🤔相信以后都唔会再去帮衬食晚饭！
而我哋都未斋人就已经开始叫𩠌，边食边等嘅时候，大约9：45酒楼侍应就开始收餐牌，于是我哋就问仲可唔可以叫𩠌，佢就话：“要快！因为厨房已收炉，只可以叫小炒。”
于是我哋想叫咕噜肉，点知又话，只得生炒骨，唉～唯有照落单啦，因为真系惊唔够食。点知嚟到，碟生炒骨，全肥肉，虽然我无食，但所有朋友食咗都话好肥，早知就唔叫啦，无谂到厨房赶住收工，竟然都揾啲咁肥嘅肉嚟赶客…😧
最后未到十点，就已经开始陆续熄灯及冷气，以及叫我哋埋单先，虽然无催我哋走，但系企后面个女侍应块面色真系难睇到吓死人！亦睇住好多员工陆续收工收人，哗，如果咁早收，啲职员就应该同我哋讲声啦，无理由搞到我哋去酒楼食晚饭，变到好似去快餐店食快餐咁，赶头赶命，食完都成身热哂！😡
经过今次嘅经验，以后都唔再相信网上睇到嘅营业时间，以后都系要自己打电话问清楚，亦唔好以为酒楼一定收得夜！🤔
相信以后都唔会再去帮衬食晚饭！
张贴
