小王牛肉麵 (已結業)

久未到沙田，今个星期决定来逛街。近八点，饿极，睇均新城市、沙田广场同好运中心，冇咩想食，决定转战连城。一上到食肆层，就见到新开的小王牛肉面。望望招牌上列出的菜色，睇落都系正宗台湾菜，就试下！虽然门前等位的人都不少，但等了十分钟左右就有位，也可以吧。菜单上的选择不少，除了主打的面食之外，前菜的选择颇多，难免令人选择困难症病发 我们二人就叫了：// 牛筋面 //未食面，先饮汤。入口一阵药材香，对办，而且清晒都唔觉口干，唔错唔错。牛筋煮得又腍又入味，面都挂汤。唯一可惜系冇萝白，嘥咗！// 沙茶牛肉拌面 //咁，其实点菜时我想像佢系凉嘅，所以发现佢系热食个阵，系有「噢…」的感觉。整碗面的热度十足，不过食落冇乜特别，早知试下叫其他汤面，再唔系试下饭都好~// 盐酥蚵仔 //炸得酥脆干食，好快 KO 晒~ // 麻辣牛肚粉皮 //既香且辣，吃小辣的朋友，慎入！// 抓饼 //本来是点了牛肉饼，不过冇 师傅的抓功不错，饼面的酥皮非常松脆！如果可以加蛋就更加正~ // 麻酱 A 菜 //又系另一个二滩，本来想叫地道一点的白苦瓜牛肉，但大概不是苦瓜季节，冇货。麻酱 A 菜食落似麻酱生菜沙律，以廿蚊有