團日式拉麵

营业中

休息中

疫情持续，唔知几时先可以去到日本旅行，好挂住日本嘅野食🇯🇵今日喺荃湾行街，见到依间拉面店出面竟然摆咗一部自助买票机🍜喺香港食拉面通常都系就咁写纸仔同店员落单，好少见到好似日本咁有部售卖机，拣好拉面买完飞先入去坐低，劲有日本feel，咁啱未食午餐，就入去试一试～🐟🐷鱼介拉面拉面店主力卖四款拉面，有鱼介、黑蒜油、辛味同樱花虾，今次试咗鱼介拉面，猪骨汤底加上鲣鱼粉同木鱼丝，望落去好似有啲油咁，但食落多了一份鲜味，汤底亦唔算杰，另外特别喜欢块叉烧有炙烧过，更加食出肉嘅油香！