雅谷餐廳

营业中

休息中

今次同老婆第一次嚟呢度，佢第一次嚟，比呢度嘅装修惊叹左一下，佢话香港老牌餐厅点会有咁靓嘅装修啊！系呀呢度仲有好多艺术品同古董。好钟意呢度嘅wine list, 系用 label 做成，开咗半支香槟半支红酒，前菜我点左蒙古生牛肉，经理喺你面前调制，因我哋share所以佢帮我哋平均分开一人一碟，但每碟份量都唔少㖞。仲有鲜龙虾钱袋，龙虾就因为有个包袋住所以留俾我哋自己分。回想十几岁喺铜锣湾玩嘅时候，大哥带过嚟一次呢度食饭，果次仲见到一个明星大家可以估下系边个。再黎一人一个洋葱汤，如果间餐厅有洋葱汤我多数都会饮，其实洋葱汤好难做我自己做过搞到只手好攰，所以一试就知道呢度嘅洋葱汤好正。主菜叫左精选牛扒(两位用），样样嘢都做得好出色，老婆要咗个焗疏乎厘做甜品我就饮埋啲酒就算啦，对于我呢个旧地重游嘅人回忆特别多，希望以后有时间多啲再返嚟。毕竟香港嘅老餐厅已经越来越少。