影片
更多
2015-01-12
1470 浏览
看杂志介绍此餐厅，以荔园游乐场作主题，又有疑似韩国爆谷软雪糕供应，钟意影餐厅装潢及食物既我就同朋友一起前来，抱住期待既心情，却换来数个失望呀！一嚟到餐厅，见已有人龙在此，决心要帮衬既我们跟住排队，见食店左右两旁也有龙... 心谂究竟排边架，还是分外卖及堂食既龙呢？排左好一阵子，听到店员(相信系老板来的)大叫有冇人未攞飞，才知道要先攞筹的，虽然张飞做到入场券咁有噱头，但冇写明等位方法真系有点混乱。等位期间看到门口既海报有8项厨师推介，包括猪手﹑鱿鱼酿饭，另外又有什么乐园雪糕咁，心谂，可能晚市才有啦！过左40多分钟，终于可入座，虽然冇得坐过山车或船仔座位，但影下四周环境都开心既。甫坐下店员放下两张餐牌，除了午餐及特餐外，另一张餐牌是有刚提到的厨师推介，心大喜，稍作商量后便点菜，首先点既系我至爱部队锅，然后是老公想吃的猪手，点知店员话冇猪手，咁算啦！鱿鱼酿饭吖唔该，店员又话冇鱿鱼，搞错呀！又冇！之后店员话人太多做唔切，所以叫我地点番午餐或特餐㖞！好啦！将就下啦！咁我地点了两客部队锅及猪扒菜饭。咁除左想影相，仲想食个招牌雪糕嘛，咪问店员要唔要而家落单先啰！点知佢话六点后才有雪糕㖞！咁你乜叉都冇
一嚟到餐厅，见已有人龙在此，决心要帮衬既我们跟住排队，见食店左右两旁也有龙... 心谂究竟排边架，还是分外卖及堂食既龙呢？排左好一阵子，听到店员(相信系老板来的)大叫有冇人未攞飞，才知道要先攞筹的，虽然张飞做到入场券咁有噱头，但冇写明等位方法真系有点混乱。
等位期间看到门口既海报有8项厨师推介，包括猪手﹑鱿鱼酿饭，另外又有什么乐园雪糕咁，心谂，可能晚市才有啦！过左40多分钟，终于可入座，虽然冇得坐过山车或船仔座位，但影下四周环境都开心既。甫坐下店员放下两张餐牌，除了午餐及特餐外，另一张餐牌是有刚提到的厨师推介，心大喜，稍作商量后便点菜，首先点既系我至爱部队锅，然后是老公想吃的猪手，点知店员话冇猪手，咁算啦！鱿鱼酿饭吖唔该，店员又话冇鱿鱼，搞错呀！又冇！之后店员话人太多做唔切，所以叫我地点番午餐或特餐㖞！好啦！将就下啦！咁我地点了两客部队锅及猪扒菜饭。咁除左想影相，仲想食个招牌雪糕嘛，咪问店员要唔要而家落单先啰！点知佢话六点后才有雪糕㖞！咁你乜叉都冇做咩俾呢个特别餐牌我地啫！真系火都嚟，唔系因为结婚周年我真系提早同佢开年呀！
好啦！人地唔卖你又有乜法子吖！咪唯有等有得卖𠮶两个午餐啰！咁等吃既时间我就四周影相啦！影相位系多既，都几开心下！但影完番位乜都未嚟，水又冇杯，卒之落单后大半个钟才有餐饮，分别系百香果果茶及巨峰冰饮，味道一般啦！跟住多15分钟左右先开始好像挤牙膏咁出午餐，先来既系部队锅，$55既价钱嚟讲确实几抵食，一个韩式面饼(唔肯定系咪辛辣面)加一大片圆形既午餐肉(1开4)﹑两片完整烟肉﹑一片大火腿(又系1开4)及三粒小菜肉饺子，虽然有点食到一肚气，但讲公道说话，这个部队锅确系做得不错，除了饺子同火腿，餐肉同烟肉系先煎过的，所以香口好多，而部队锅上桌时面头加了芝士，橙红汤底﹑整齐又丰富既配菜，加埋以伪铜锅present(佢应是镬仔来的)，让人加分，如果个面唔咁腍会更佳。
跟住嚟既系猪扒菜饭，除了猪扒同菜饭，还有一只1开2既卤蛋，卖相比部队锅逊色，而且朋友话块猪扒冻架，为左唔想再等，所以佢冇投诉。你话吖！已经要等成9个字先有既饭，仲要系冻既，系咪劳气先。我地三人差不多吃了大半，最后一个猪扒菜饭一追再追才来，即差不多成个钟，可幸既是睇到猪扒有烟，唔系朋友反枱都有呀！(我仲听到隔离枱碟卤水鸡翼系冻架！)
门口大大只字话麻辣妈妈原班人马，即熟手技工啦！有乜理由乜都冇同做唔切呀！总之如果你为左影相而来，OK，但为食而来，则祝你好运嘞！
猪扒菜饭
$48
38 浏览
0 赞好
0 留言
部队锅
$55
60 浏览
1 赞好
0 留言
题外话/补充资料：
朋友翌日帮衬，又系百冇，推介既爆谷雪糕又冇，店员话雪糕机嘈所以唔整，又唔见连锁Shabu Shabu内既雪糕机嘈！狡辩!!!!
(以上食记乃用户个人意见 , 并不代表OpenRice之观点。)
张贴
