影片
更多
2022-05-09
385 浏览
近呢几年开始，唔小旧区都开始进行活化发展，陆陆续续有好多有特色嘅小店同Cafe开始进驻，个人觉得呢个改变未尝唔系一件好事，可以令到好多人会因此而发掘到好多旧区嘅美，而且亦令好多旧区变得更有生气，土瓜湾亦系其中一个。呢间On the Hill Coffee Bar 早早已经系我口袋必去名单嘅其中一员，佢有三间分店，今次我就拣咗去土瓜湾呢间。铺头以白色大理石为主调，一大块落地大玻璃作为采光，灯光亦够明亮，整体干净舒服，感觉悠闲。• 𝗡𝗼𝗿𝘄𝗮𝘆 𝗦𝗺𝗼𝗸𝗲𝗱 𝗦𝗮𝗹𝗺𝗼𝗻 𝘄𝗶𝘁𝗵 𝗮𝘃𝗼𝗰𝗮𝗱𝗼($𝟳𝟴)：早前见过佢哋有另一个三文鱼，牛油果同埋青瓜分别都系以切粒形式上嘅Bagel，但今次到访唔见有，可能近来餐牌有变，只见有呢款「挪威烟三文鱼切片＋牛油果蓉Bagel」。个人觉得前者几有特色，如果真系转咗而家呢款就较为普通。Bagel系店铺自家制的，口感唔错，未到好烟韧，但亦唔会话好难以切开。烟三文鱼就做成玫瑰花嘅形状，虽然唔算好嫩滑，但亦带有微微烟熏味道，惟牛油果蓉太少，味道唔够，俾烟三文鱼嘅味道抢过牛油果嘅味道，整体不过不失。• 老板绝不妥协𝗖𝗵𝗲𝗲𝘀𝗲 𝗖𝗮𝗸𝗲($𝟱𝟰)：呢道甜品个名
呢间On the Hill Coffee Bar 早早已经系我口袋必去名单嘅其中一员，佢有三间分店，今次我就拣咗去土瓜湾呢间。
铺头以白色大理石为主调，一大块落地大玻璃作为采光，灯光亦够明亮，整体干净舒服，感觉悠闲。
• 𝗡𝗼𝗿𝘄𝗮𝘆 𝗦𝗺𝗼𝗸𝗲𝗱 𝗦𝗮𝗹𝗺𝗼𝗻 𝘄𝗶𝘁𝗵 𝗮𝘃𝗼𝗰𝗮𝗱𝗼($𝟳𝟴)：
早前见过佢哋有另一个三文鱼，牛油果同埋青瓜分别都系以切粒形式上嘅Bagel，但今次到访唔见有，可能近来餐牌有变，只见有呢款「挪威烟三文鱼切片＋牛油果蓉Bagel」。个人觉得前者几有特色，如果真系转咗而家呢款就较为普通。Bagel系店铺自家制的，口感唔错，未到好烟韧，但亦唔会话好难以切开。烟三文鱼就做成玫瑰花嘅形状，虽然唔算好嫩滑，但亦带有微微烟熏味道，惟牛油果蓉太少，味道唔够，俾烟三文鱼嘅味道抢过牛油果嘅味道，整体不过不失。
Norway Smoked Salmon with avocado
$78
8 浏览
0 赞好
0 留言
• 老板绝不妥协𝗖𝗵𝗲𝗲𝘀𝗲 𝗖𝗮𝗸𝗲($𝟱𝟰)：
呢道甜品个名非常搞笑，应该系想表达老板对于呢份Cheese Cake嘅用料同埋味道系绝对唔会妥协嘅意思。皆因呢款Cheese Cake系店主「呕心沥血」之作，因为佢想研发一款系品尝甜吃途中又唔会影响到咖啡味道嘅Cheese Cake，所以呢款Cheese Cake有别一般坊间味道浓厚嘅纽约芝士蛋糕，甜味之中微微带酸，芝士嘅醇香味适中，质感相当柔软而细滑，饼底系牛油味浓郁嘅曲奇，蛋糕面上仲有啲焦糖脆脆，两者松化又唔会过硬，成个蛋糕感觉轻盈，食完都唔觉得有腻感，相当好味。
老板绝不妥协Cheese Cake
$54
12 浏览
0 赞好
0 留言
• 𝗗𝗲𝗹𝘂𝘅𝗲 𝗗𝗶𝗿𝘁𝘆($𝟲𝟴)：
呢度嘅Dirty，实在系我饮过最喜欢的，令我回味无穷。首先外观，层次相当分明，同普通「脏脏」Dirty有啲唔一样，亦绝对系饮得出嘅分别。佢哋以自家制提练嘅浓缩牛奶再加入Espersso，Espresso味道香浓带少少果香，所以第一啖饮落已经有相当香浓嘅咖啡味，第二啖则饮到好香甜嘅奶味，再不停大啖呷，冷暖感交杂，加上牛奶底非常厚实，实在系一种讲唔出嘅好饮。如果喜欢Dirty嘅朋友必定要嚟到访一试，实在会有震惊嘅感觉，但佢哋属于每日限量供应，亦算系隐藏版款式，如果假日时间可能就要早少少到访。
Deluxe Dirty
$68
21 浏览
0 赞好
0 留言
• 𝗕𝗹𝗮𝗰𝗸($𝟮𝟴)：
据闻店主其中一个绝不妥协嘅位就系坚持选用Fruity豆，所以佢嘅咖啡都偏果香味重，饮落仲带少少坚果香，基本正常水准。
Black
$28
5 浏览
0 赞好
0 留言
呢度俾人一种好悠闲嘅感觉，店员亲切有礼，而且相信店家对用料同埋咖啡的确有一种「绝不妥协」嘅精神，所以但愿呢度继续「永不妥协」，好让我可以闲时到访支持，而且如果同朋友嚟倾偈叹啡实在系一个好舒服嘅享受，非常推荐大家过嚟。
张贴
