影片
更多
2014-09-18
5936 浏览
哥哥人缘好，朋友多，而众多朋友中亦不乏爱吃之人，当中有一位K哥哥，因得悉XO仔不时会于openrice及facebook刊登食评，所以就经哥哥介绍，两个月前大家成为社交网站上o既好友，交流食经。与K哥哥做咗网友不久，细佬无意间发现咗原来佢都有喺openrice度写食评，影出黎o既相仲非常专业，心谂有机会一定要拜师学艺 ！家兄乃大忙人一名，经常周游列国，在港期间约会亦排得满满，碰巧上星期三我地三个人都有空档，大家好爽快地就约咗出黎食晚饭。K哥哥好就得人，得知XO仔甚少过海，当晚特意拣选咗一家位于中环o既French Window Brasserie and Bar，方便我地凭单享用三个钟头免费泊车优惠，佢自己搭地鐡亦好简易。French Window正门及走廊位置现正进行装修工程，莫非系想扩充酒吧面积？！餐厅楼面高，灯光柔和，室内布置装潢新潮，餐桌餐具洁亮卫生，望出窗外又有靓景睇，感觉好有气派 。此外，座位间空间足，完全冇挤迫感，亦唔会话好嘈，加上冷气够，坐落舒适清爽。餐厅如此格调高雅，食物价钱亦绝不低廉，食客竟然要用离餐厅颇远o既商场洗手间，小肥不得不扣一分环境分 ！正如食评们所
K哥哥好就得人，得知XO仔甚少过海，当晚特意拣选咗一家位于中环o既French Window Brasserie and Bar，方便我地凭单享用三个钟头免费泊车优惠，佢自己搭地鐡亦好简易。French Window正门及走廊位置现正进行装修工程，莫非系想扩充酒吧面积？！餐厅楼面高，灯光柔和，室内布置装潢新潮，餐桌餐具洁亮卫生，望出窗外又有靓景睇，感觉好有气派 。此外，座位间空间足，完全冇挤迫感，亦唔会话好嘈，加上冷气够，坐落舒适清爽。餐厅如此格调高雅，食物价钱亦绝不低廉，食客竟然要用离餐厅颇远o既商场洗手间，小肥不得不扣一分环境分 ！
正如食评们所讲，餐厅只有五位服务生 ，尽管当晚入座率只有六成左右，要揾个人帮忙落单、叫酒、加水等都要挥好耐手，好明显系人手不足，亦即服务分被扣原因。虽则如此，XO仔都要公平啲讲句，哥哥仔们都非常温顺有礼，态度唔会因自己忙碌而变得差劣。入座时当被问及到想先饮有气定冇气o既水时，小肥随即答要水喉水，哥哥仔都好友善地解释话餐厅并冇提供水喉水，仲建议我地不如饮热水；哥仔客气时，两位哥哥都好识do，开咗枝白酒黎饮 。
K哥哥原来系Citibank Gourmet Pleasures Plus会员，于French Window用膳可享有七折优惠，不过唔包酒水。大家见唔赶时间，所以就先叫咗几道小食同汤，索性慢慢食完先叫主菜，食够热野再叫甜品。
面包篮：面包篮中有白面包同麦包，小肥因健康理由只可以食前者。白面包皮层烟韧，包心软熟，配角牛油都好香滑。正当细佬班门弄斧地投诉篮中o既面包唔够热时，哥哥就解释法国人其实好少会整热啲面包黎食，仲问细佬系咪冇留意到餐厅入口处有张面包桌 ，因为服务生要等食客入座后先喺𠮶度切出面包，放进篮中，连同牛油一拼上枱。哗，哥哥不但见识广博，观察力亦同样好，XO仔又上咗一课 ！
Homemade Jumbo Shrimp Tartar（$208）：餐厅一共提供四款homemade tartar，眼见食评们都未有喺openrice度提及过珍宝虾tartar，大家亦觉此乃最有特色o既一款，所以就抱住一份冒险精神叫咗黎试。半透明o既珍宝虾tartar外表呈灰蓝色，滑身得黎亦带丁点爽脆，入口时散发著鲜香，仿如置身于法国小岛上，身正吹来海风般，教人醉倒 ！两位哥哥都激赞，唯独个人觉得海盐味稍为浓咗少少，如果腌制时师傅可以轻手啲效果应更佳。
Crab Cake on Celery & Apple Salad with Black Truffle Mayonnaise（$108）：蟹饼唔多够热，只属和暖，虽然蟹肉份量足，而且鲜，可惜质感偏干偏嚡，味道过咸，酱汁又唔够松露味，个人觉得有需要改良。
Roasted Bone Marrow with Black Truffle Crust（$98）：French Window条烧骨髓系XO仔食过卖相最吸引，体积最大，价钱最超值o既一家 ！骨髓油滑，布满黑松露幼盐粒o既面层浓郁野味，涂上伴碟o既多士一齐食，增添香脆感之余又冇咁溜，同时亦无减其香滑度，精彩细腻！
Black Truffle Cream Soup（$108）：哗，碗忌廉汤真系好大盅，而且面层可以清楚睇到一大团黑松露酱，证明好足料！忌廉汤稀杰适中，黑松露香浓得黎一啲都唔咸，虽然唔系好溜，不过始终饮完会成肚水，小弟建议大家都系叫黎分，留肚试多几道菜式 。
Seafood Soup from Marseille（$138）：哥哥所叫o既海鲜汤多料多到佢要叫细佬影返两幅相同大家分享，真系几夸张。餐厅以其海鲜拼盘闻名，每晚应该都会剩余不少海鲜，估计隔日食唔够新鲜，所以就顺理成章成为海鲜汤o既汤料。
Crunchy Suckling Pig with Dauphinoise Gratin, Braised Endive & Creamed Mustard Gravy（$308）：乳猪皮脆且唔肥，但肉质微干，点上味酸o既酱汁，个人觉得冇乜特别，过得去啰。
据哥哥所讲，另上o既Dauphinoise Gratin非常正宗，薯仔薄片软腍入味，食得出芝士同忌廉唔系平价货，French Window算系几大方。
Duck Confit & Sauteed Potatoes with Rosemary & Garlic Scent（$278）：小肥唔多食法国餐，一生人只去过法国两次，对法国名菜之一o既Duck Confit认识亦唔深，恕在下直言，鸭腿虽不肥腻，皮层好够香脆，但鸭肉偏嚡同干，而且味道超咸，唔系我杯茶啰！
French Lemon Pie Topped with Meringue（$68）：眼见咁多位食评都推荐此味柠檬批，我地当然系要一试真伪啦 ！柠檬批层批底薄脆，柠檬味o既馅同面层o既Meringue都好light，酸酸甜甜，消滞一流，$68一大件真系几抵食！
Chocolate Mousse（$68）：相比起下，个朱古力慕丝就唔够柠檬批出色啦，即使朱古力味浓郁，慕丝却唔够软滑，而且好溜，不吃也吧！
由细到大，哥哥都比XO仔勤奋好学，知识丰富不再话下，由于哥哥观察力强，冇偏食恶习，事事敢于尝试，差不多游遍世界各地，对各国o既食物文化认知程度更可称得上为经验之谈，喺小肥心目中，哥哥就好似一本人肉百科全书，食物大词典般，喺佢身上真系学多好多野！今次经哥哥介绍，结识到K哥哥，不仅偷师学咗两道摄影窍门，仲可以喺环境咁优雅o既「法国窗户」内一边品尝美馔，一边学习法国餐o既文化，能够以食会友，赏心乐事也！张贴
