紅葉

营业中

休息中

其实红叶，红叶餐室，红叶冰室系咪同一间野黎？个餐牌都差唔多，唔知有无记错。呢几排黎多左红叶食，一家大细坐张卡位真系好迫，通常唔会一次叫晒啲餐同餐饮，无位放呀。但每次加单都比人黑面，啲店员真系好鬼有性格，咁系嘅加单又霸张枱耐啲呀。下午茶嘅猪扒包配沙律系最受欢迎之一，劲多人叫，咁个包有返咁上下大，杂果沙律又几好味咁。瑞士汁炒牛河就一般啦，基本上无炒过，攞个汁捞一捞就上碟。焗肉酱意粉都几好，肉酱调味唔错仲有落香草叶。焗白汁鸡扒饭抵食，好大块扒个饭又有炒底。餐饮有热奶茶，冻鸳鸯，冻柠茶，几正常嘅味道。顺便讲埋，枱面，餐牌，水杯，水壶都黏立立。