鐵牛台灣牛肉麵 (旺角中心第一座) (已結業)

整理自己电话的相簿中，发现铁牛的相片，其实间中都会黎食下，贪佢地方大又半自助，就算系餐厅hea都无乜压力，当然人多等位时就不会霸住张枱啦。是日同朋友食完晏，又行左阵街，天气闷热又无乜搞，揾个地方坐阵睇下战利品，又黎左铁牛，下午茶时段无乜人，啱晒坐下倾下偈。朋友点左红烧牛肉面加珍珠奶茶，上枱时热辣辣几有诚意，好怕啲餐厅煮定好耐连翻热都懒。汤头鲜甜味浓，朋友几满意，佢钟意浓味野呀。牛肉大大块炆得软腍，面条有咬口，几好味。珍珠奶茶够冻又大杯，茶香奶滑珍珠烟韧，行街饮都要呢个价，呢度有埋位坐简直系抵添啦。纯粹坐下饮杯野，铁牛真系好好hea，哈哈。