Season Plus (已結業)

完全冇谂过尖沙咀闹市会有间自成一角的餐厅，有种远离繁嚣的感觉。餐厅食物质素唔差，性价比高，好适合放工或放假日子同朋友聚会！室外位置空间比较大，门口有种欧陆风的感觉，会比较chill，但如果唔想闻到烟味，建议坐返室内，餐厅入面布满植物，环境同样舒适。🥩 鹅肝拼安格斯牛柳 ($368) 👅:93.23分 呢个配搭一流！鹅肝好大件，煎得好香脆，啖啖油脂香，牛柳叫咗五成熟，质素还不错，好钟意伴碟的蒜头同配菜。🍛 美国中码生蚝 ($18/pc ) 👅:80.01分 呢个价钱嚟讲，生蚝个size算适中，口感比较爽脆，蚝味唔算重。虽然价钱平，质素尚算可以接受，过吓口瘾都不错。叫支白洒加$50就可以有一打生蚝，如果钟意饮白酒嘅你哋，不妨一试。🥓 白酒忌廉蓝贝青口 500g ($128) 👅:86.33分 青口大只鲜甜，白酒忌廉汁也做得香滑。最出色反而系个蒜蓉多士，焗得非常松脆，蘸点忌廉汁一齐食好夹，略嫌酱汁份量唔够，如果可以煮多啲会更好。呢个份量嚟讲 ，性价比非常高。