影片
更多
2018-04-30
101 浏览
又系同男朋友嚟揾食，今次嚟咗一间系K11 对面嘅西餐小店，夜晚8点都唔洗排队，见啲食物唔太贵就入咗嚟。餐厅面积细细，坐低都几舒服。睇完餐牌后，决定叫蟹肉芒果他他、鸡翼拼盘、海胆黑松露炒饭、煎羊扒同2杯饮品。落单后等大约10分钟，首先黎既系蟹肉芒果他他。食落几清新，份量唔算好多，2个人食少少就无晒，不过都食到好多蟹肉架，而且加埋芒果同牛油果，口感丰富咗！之后就嚟鸡翼拼盘，反而lee 个我就几钟意食同埋份量多返啲，总共有3款唔同味道嘅鸡翼，分别系原味、水牛城同焦糖。店员建议我哋顺序食落去，咁就可以食到最原始嘅味道。虽然每只只系单边，但系都算大只多肉架，炸浆亦唔会太厚。原味普通；水牛城几惹味，辣辣地，有啲tabasco味道；焦糖味最特别，唔同平时食开嘅蜜糖味，lee 款焦糖味主要都系甜味多，我男朋友就麻麻地甜鸡翼。食完小食后，就到主菜嘅部份，海胆黑松露炒饭嚟先，但系就唔系好闻到黑松露味道，反而海胆就有两行，我自己食法就系先用紫菜食晒啲海胆先，饭最后食，不过最后发现饭嘅酱汁太甜，应该用海胆捞匀会好啲。个人觉得炒饭太甜，唔系话太好食，建议大家可能捞埋一齐食感觉好啲！至于煎羊扒，比炒饭迟咗半个钟先
睇完餐牌后，决定叫蟹肉芒果他他、鸡翼拼盘、海胆黑松露炒饭、煎羊扒同2杯饮品。
落单后等大约10分钟，首先黎既系蟹肉芒果他他。食落几清新，份量唔算好多，2个人食少少就无晒，不过都食到好多蟹肉架，而且加埋芒果同牛油果，口感丰富咗！
之后就嚟鸡翼拼盘，反而lee 个我就几钟意食同埋份量多返啲，总共有3款唔同味道嘅鸡翼，分别系原味、水牛城同焦糖。店员建议我哋顺序食落去，咁就可以食到最原始嘅味道。虽然每只只系单边，但系都算大只多肉架，炸浆亦唔会太厚。原味普通；水牛城几惹味，辣辣地，有啲tabasco味道；焦糖味最特别，唔同平时食开嘅蜜糖味，lee 款焦糖味主要都系甜味多，我男朋友就麻麻地甜鸡翼。
食完小食后，就到主菜嘅部份，海胆黑松露炒饭嚟先，但系就唔系好闻到黑松露味道，反而海胆就有两行，我自己食法就系先用紫菜食晒啲海胆先，饭最后食，不过最后发现饭嘅酱汁太甜，应该用海胆捞匀会好啲。个人觉得炒饭太甜，唔系话太好食，建议大家可能捞埋一齐食感觉好啲！
至于煎羊扒，比炒饭迟咗半个钟先到，不过质素就唔错，少少羊骚味，正！同埋话3成真系3成，不过就建议下次可以俾把利啲嘅锯齿刀。
饮品方面，我同男朋友分别叫咗Blue Marshmallow 同Brown sugar ginger latte。前者卖相几得意，有啲似富士山造型，浅蓝色嘅，饮落系荔枝味饮品，不过就细杯咗啲，ginger latte 就几好饮！
整体黎讲，食物同质素算系唔错，不过份量方面可能要再调整下，因为依家嘅每碟份量都有啲参差，下次黎嘅话可能会试下lee到嘅竹炭软壳蟹汉堡！
张贴
