影片
更多
2015-09-11
2612 浏览
香港最大特色风景莫过于由一座一座高楼大厦拼出嚟嘅石屎森林夜景。人多车多嘅国际都会，就连寄比外国朋友嘅明信片都系只有得维港两旁景色嘅「东方之珠」拣嘅时候，小妹都觉得有d视觉疲劳啊～！非常感谢友人特意为小妹介绍一间充满诗意嘅欧式花园café, 制作食物嘅理念以健康为主。可以逃离烦嚣之余仲可以感受到健康又摆设精致嘅食物，感觉清新又健康。Café Eos Club 以古典感觉为主，店四周除左以欧式家俱摆设之外，仲以真花作为设计一部份。一开始小妹不以为意摆设布景用以真花设计，但坐低一阵之后花香淡淡渗出，令小妹非常惊喜呢！打理真花系一样非常秏时嘅工作，店里头的婶婶们太有心机～当晚小妹同友人order左两个晚餐，分别系南瓜海鲜烩饭同香煎龙脷柳配烟鸭胸，再搭上餐汤配以一片法式多士。玉米汤&淡香蒜味牛油多士玉米汤偏稀身玉米不太多，配上淡香蒜味牛油多士，整体味道算是不过不失。南瓜海鲜烩饭外表非常特出精致，大虾、青口、蚬同沙律菜精心分布喺南瓜上面，由上面下有种花盛开嘅视觉效果。整个南瓜亦刚好填满碟嘅空间，非常有美感。芝士即使放置左一阵都仍然做到拉丝效果，海鲜有咸鲜味，但烩饭是食唔到一般正宗意大利饭饭粒中间嘅
非常感谢友人特意为小妹介绍一间充满诗意嘅欧式花园café, 制作食物嘅理念以健康为主。可以逃离烦嚣之余仲可以感受到健康又摆设精致嘅食物，感觉清新又健康。
Café Eos Club 以古典感觉为主，店四周除左以欧式家俱摆设之外，仲以真花作为设计一部份。一开始小妹不以为意摆设布景用以真花设计，但坐低一阵之后花香淡淡渗出，令小妹非常惊喜呢！打理真花系一样非常秏时嘅工作，店里头的婶婶们太有心机～
当晚小妹同友人order左两个晚餐，分别系南瓜海鲜烩饭同香煎龙脷柳配烟鸭胸，再搭上餐汤配以一片法式多士。
玉米汤&淡香蒜味牛油多士
玉米汤偏稀身玉米不太多，配上淡香蒜味牛油多士，整体味道算是不过不失。
南瓜海鲜烩饭
外表非常特出精致，大虾、青口、蚬同沙律菜精心分布喺南瓜上面，由上面下有种花盛开嘅视觉效果。整个南瓜亦刚好填满碟嘅空间，非常有美感。芝士即使放置左一阵都仍然做到拉丝效果，海鲜有咸鲜味，但烩饭是食唔到一般正宗意大利饭饭粒中间嘅稍硬口感，整体味道稍偏淡，但烩饭系湿润而且有南瓜香。
香煎龙脷柳配烟鸭胸系一个食物嘅艺术。两大条煎得刚好嘅龙脷柳交叉放置喺厚薯块上面，友人帮忙分食物嘅时候龙脷柳非常容易就断开了。。。肉嫩如此，厨师可以原条煎起上碟，非常有功架。味道正常的。偶然会尝到轻微嘅柠檬酸，为单一嘅鱼味加多上一层次。
维也纳咖啡经询问后，婶婶推介最特色嘅饮品餐饮系维也纳咖啡。其实就系普通嘅奶咖啡上盖上一座甜甜的小鲜奶油～系好睇的：）
整体嚟讲食物都几好，食开偏浓口味嘅朋友可能要额外加少少盐，食开口味较淡嘅朋友会更喜欢。价位方面小妹觉得ok，$200内食环境同食物摆设，性价比得分唔低。而且刚好小妹同友人坐向露台位置，感觉舒适。
题外话/补充资料：
Nice and Nice Talking Place~
(以上食记乃用户个人意见 , 并不代表OpenRice之观点。)
张贴
