潮人館

营业中

休息中

咁啱过开嚟又要医肚，对附近嘅连锁食肆冇乜兴趣，就走嚟做吓潮人、试吓潮嘢~潮州菜喺观塘呢头算系有特色，话哂我乡下都系潮州，就同女友一齐嚟试吓噜。两个人叫咗四样嘢：卤水蛋拼鹅肉~呢味真系超好味，鹅肉好入味，同d汁都好夹，食完想两叫其他卤嘢食，但明知眼阔肚窄，下次先噜韭菜猪红~猪红好有咬口~可能平时食开d粥入面嘅猪红，食呢味猪红嘅感觉好实在，正正蚝仔粥~比较油，可能用嘅猪肉脂肪比较多。但个人觉得ok，粥水都有蚝味，足料，大大煲，有诚意！蚝饼，有少少失分。都几油，炸得麻麻，粉比较多，有待改善~虽然蚝仔粥同蚝饼唔算出色，但鹅真系好味，新舖来讲算系有水准！价钱都ok，值得再嚟。