影片
更多
2023-10-08
40 浏览
难得同班同事夹到收工后一齐去食个饭倾下计，今次就拣咗系尖沙咀嘅一间居酒屋，同行总共5人，所以我地提前一日就订定咗位。咁啱当日房间无人预订，餐厅见到我地有5个人，就比咗间房我地，方便我地倾计。餐厅老板应该系一个one piece 迷，系房入面摆满哂one piece嘅figure，而且仲有自家制梅酒，不过我地去得唔合时，梅酒仲系浸泡阶段，无得品尝下添🥲我地就叫左味醂鱼干🐟，枝豆🫛，炸白虾搭配啤酒同清酒。炸白虾🦐呢个小食我都系第一次听，咬落口感都几脆。我地仲叫咗枝叫”荣光富士 星天航路”嘅纯米大吟酿，店员仲帮呢枝酒改咗个名叫”天星小轮”🤣呢枝酒饮落几清甜，连我平时唔饮清酒都觉得ok，几啱唔系成日饮酒嘅朋友仔试下，易入口同埋几香。法国生蚝就食得多，今次就试下日本蚝🦪，我地分别叫咗两只唔同品种，一个叫小友，一个叫岩蚝，我就想试下爽口d嘅，所以就试咗岩蚝，食落几鲜甜同爽口，蚝上面仲淋咗少少柚子汁，味道几fresh，仲一啲都唔腥。🤤食得日本野点少得食下刺身🍣，我地就拣咗”严选季节特上六款剌身盛合”，有带子，拖罗，海胆，池鱼，同有一个拖罗头顶油脂比较重嘅部位，食嘅时候要连埋豆苗一齐食先去到油腻感。食
我地就叫左味醂鱼干🐟，枝豆🫛，炸白虾搭配啤酒同清酒。
炸白虾🦐呢个小食我都系第一次听，咬落口感都几脆。
我地仲叫咗枝叫”荣光富士 星天航路”嘅纯米大吟酿，店员仲帮呢枝酒改咗个名叫”天星小轮”🤣
呢枝酒饮落几清甜，连我平时唔饮清酒都觉得ok，几啱唔系成日饮酒嘅朋友仔试下，易入口同埋几香。
法国生蚝就食得多，今次就试下日本蚝🦪，我地分别叫咗两只唔同品种，一个叫小友，一个叫岩蚝，我就想试下爽口d嘅，所以就试咗岩蚝，食落几鲜甜同爽口，蚝上面仲淋咗少少柚子汁，味道几fresh，仲一啲都唔腥。🤤
食得日本野点少得食下刺身🍣，我地就拣咗”严选季节特上六款剌身盛合”，有带子，拖罗，海胆，池鱼，同有一个拖罗头顶油脂比较重嘅部位，食嘅时候要连埋豆苗一齐食先去到油腻感。
食完前菜同刺身，就开始叫啲主食。我地分别叫咗松叶蟹肉釜饭，银鳕鱼西京味噌烧同串烧。
松叶蟹肉🦀釜饭质素媲美到系日本食啲釜饭，有好香嘅蟹肉味，同埋有饭焦，啲饭食落去有少少水份，比较软绵绵。
银鳕鱼🐟西京味噌烧就还可以，要趁热食，口感会比较好啲。 串烧就分别叫咗厚切牛舌心，鸡皮同鸡肾。三款串烧都烧到啱啱好，锁到肉汁，又啱会烧到干巴巴同硬。 😺😺
最后我地就叫咗土佐豆腐同清酒煮蚬🍶结束今晚嘅聚餐。 土佐豆腐就系豆腐包咗层炸粉拎去炸然后再用酱汁浸住，味道都几香同甜甜地。最surprise 系清酒煮蚬，啲蚬好清甜，无沙，食完蚬肉都忍唔住拎个蚬壳再舀啲清酒嚟饮吓。 😚😚
好食指数 🌕🌕🌕🌕🌑
推荐指数🌕🌕🌕🌕🌑
抵食指数🌕🌕🌕🌗🌑
张贴
