影片
更多
2023-05-09
289 浏览
平时行过观塘APM嘅Cupping Room都会好奇里究竟系点样，今日收工决定入去一探究竟🤔原来入面有一间装修得非常别致嘅法国餐厅叫Bistro Le Parisien，我哋两个人分别叫咗两个4 Course Dinner Set，再叫多个小食同甜品。先嚟嘅系𠮶南瓜汤，浓郁嘅南瓜汤上面落咗啲忌廉同加咗粟米片，自己再加小小黑胡椒，味道同口感都满足到。头盘我哋就叫咗烟三文鱼羽衣甘蓝沙律，同埋香草牛油配田螺薯蓉，剧透咗先！全餐晚饭，我最满意就系𠮶个田螺薯蓉，真系做得非常非常出色！田螺大大只仲好香蒜蓉同牛油味，而且食得出好新鲜！通常田螺薯蓉个重点都会系喺个田螺𠮶度，但绝对唔好忽略个薯蓉，同样整得好香👍🏻而个沙律都做得好有诚意，分量亦唔似一个头盘，坦白讲，我哋食完两个头盘已经有啲饱。小食我哋嗌咗个特色甜薯条配柚子酱，其实即系番薯条，明显地啲番薯条系啱啱炸起，拎上手仲要系辣手𠮶只，基本上就咁食都好甜好好味，点埋个柚子酱同啲甜味中和返，又会有一种清新嘅感觉。主食我哋拣咗蟹肉黑松露野菌意粉，同埋澳洲M5和牛牛排。先讲个意粉，基本上黑松露配野菌都冇得输㗎啦，再加上蟹肉同埋啲酱都有90分👍🏻至于个和牛牛扒
平时行过观塘APM嘅Cupping Room都会好奇里究竟系点样，今日收工决定入去一探究竟🤔
原来入面有一间装修得非常别致嘅法国餐厅叫Bistro Le Parisien，我哋两个人分别叫咗两个4 Course Dinner Set，再叫多个小食同甜品。
先嚟嘅系𠮶南瓜汤，浓郁嘅南瓜汤上面落咗啲忌廉同加咗粟米片，自己再加小小黑胡椒，味道同口感都满足到。
头盘我哋就叫咗烟三文鱼羽衣甘蓝沙律，同埋香草牛油配田螺薯蓉，剧透咗先！全餐晚饭，我最满意就系𠮶个田螺薯蓉，真系做得非常非常出色！田螺大大只仲好香蒜蓉同牛油味，而且食得出好新鲜！通常田螺薯蓉个重点都会系喺个田螺𠮶度，但绝对唔好忽略个薯蓉，同样整得好香👍🏻而个沙律都做得好有诚意，分量亦唔似一个头盘，坦白讲，我哋食完两个头盘已经有啲饱。
小食我哋嗌咗个特色甜薯条配柚子酱，其实即系番薯条，明显地啲番薯条系啱啱炸起，拎上手仲要系辣手𠮶只，基本上就咁食都好甜好好味，点埋个柚子酱同啲甜味中和返，又会有一种清新嘅感觉。
主食我哋拣咗蟹肉黑松露野菌意粉，同埋澳洲M5和牛牛排。先讲个意粉，基本上黑松露配野菌都冇得输㗎啦，再加上蟹肉同埋啲酱都有90分👍🏻至于个和牛牛扒，你净系睇相都知道靓仔啦！M5真系M5，牛味非常浓郁，我个人推介唔点酱试一试先。
甜品我哋就拣咗心太软，一个好嘅心太软，当然系要里面嘅朱古力酱一用个匙羹不落去嘅时候就流出嚟，佢做到！一啖心太软，一啖云呢拿雪糕，食完𠮶种满足感真系不得了！
最后饮品我哋叫咗Coconut matcha latte 同Ice chocolate ，两杯卖相都好靓！先讲个Ice chocolate，冻嘅朱古力配cream系定律嚟，而个朱古力味重得嚟唔会太甜，完全合我心意。Coconut matcha latte颜色好有层次，店员特别提醒要搞匀一齐饮，抹茶味浓得黎唔苦，仲带有阵阵椰奶香，咖啡味唔算重，平时唔饮咖啡既朋友都可以试下😚
张贴
