Pizza Piazza (已結業)

平时收工时段经过已经见到几满，今日经过见到有位就去试吓。个pizza睇落好大个好吸引，但同朋友惊食唔晒，所以各自叫咗意粉同埋小食share。等紧食秒嘅期间都几多人等外卖，之后先知原来有七折，好抵下次试吓先。坚 水牛城鸡翼 $78叫咗一碟鸡翼，有好多只鸡翼，够晒同朋友 share，👍好抵食，鸡翼皮焗到好脆，食落少少辣好开胃，怕辣嘅仲可以点芝士酱，够晒邪恶又好味。肉酱千层面 $98侧边加咗沙律菜同蒜香芝士包条伴碟，钟意食菜可以健康啲。一切开千层面就见到入面放了肉碎，而蕃茄汁就喺侧边，跟自己个人喜好睇吓每啖想加酱食，仲有上面加咗芝士，芝士迷最爱。本身见到佢嘅甜品好似都唔错想试，但系食完正餐已经好饱。唯有下次有机会再试香蕉拖肥批同埋 tiramisu。