Pizza Piazza (已結業)

今次试依间pizza都几好食。位置都算易揾，附近都有好几间餐厅，门口当眼位放左佢地嘅lunch 同pizza set menu。 我同朋友都系黑松露fans，所以叫左个黑松露诱惑试试。9”pizza 几大个，我觉得一个人系唔会食得晒，同朋友share会好啲。pizza饼底系薄脆，上枱个刻好香嘅黑松露味散发出嚟，食落唔会太咸，我几中意。 另外叫左千层面嘅午餐set,两个餐各自加28蚊都可以配小食或者甜品。我地叫左水牛城鸡翼同tiramisu。千层面比起其他餐厅嘅份量黎讲都算大份，蕃茄肉酱唔会干身，芝士亦都几香，唔会死咸。水牛城鸡翼都脆身，味道都唔错，可惜酱汁食落有啲唔够喉。 tiramisu卖相吸引，饼底几湿润，有少少咖啡香，芝士层比较流质，上下分层比较明显嘅感觉，适合钟意有明显层次感嘅食客。饮品方面我叫嘅伯爵茶系套餐包左，系茶壶同茶杯分开上，系茶包茶嘅关系中规中矩，店员有提示泡多一阵先再饮我觉得都几贴心。一开始倒出嚟系比较浅，坐耐左食晒其他野再饮嘅时候就饮到茶味，茶色望落都几浓。 小店黎讲都坐得舒服，系个可以同朋友静静地倾下计嘅餐厅。