就是偏偏喜歡你

营业中

休息中

行完时代广场想揾野食，上网见到呢间装饰得美轮美奂嘅餐厅，决定一探究竟。上到餐厅楼层，门口招牌已经系打卡位，真心好靓。入到餐厅，可以选择花花鸟笼座位，或者花墙旁座位。基本上两边位置都各有特色，相机可以出动影唔停。当然打卡影相外，医肚同样重要。黑松露野菌忌廉意粉摆盘精致，忌廉汁香浓creamy，配上香气独特嘅黑松露，以及野菌嘅清新口味。整碟意粉味道好丰富，口感有层次，加上意粉弹牙，好味道。菠萝照烧鸡黑汉堡嫩滑鸡排，加上菠萝酸甜口味，以及照烧汁汉堡，味道有层次。汉堡包有烘过，外脆内软。整体嘅体验唔错，四周都系打卡位，食物质素都非常唔错，同朋友行完街上黎打卡倾下计就啱晒。