金記冰室 (香港仔中心3期)

营业中

休息中

呢间金记冰室位处于香港仔马会投注站嘅旧址，邻近巴士总站，交通方便，坐位以卡位为主，舒适宽敞。鲜茄浓汁焗猪扒饭：猪扒饭份量颇多，饭底系用上炒饭底，佢哋嘅猪扒够哂厚，肉质够哂淋，呢度嘅番茄汁系独家秘制，番茄味够哂浓之外，调味得宜，再铺上满满嘅芝士拎去焗，未食都闻到香，食落层次仲好丰富。无骨海南鸡饭：佢哋呢度用嘅油饭好香鸡件起骨处理，鸡肉嫩滑，鸡味十足，附上嘅姜蓉同埋酸甜鸡酱，两者同鸡肉嘅味道好夹。金砖风沙炸豆腐：份量都几多，即叫即炸，所以热辣辣脆卜卜，金黄香脆嘅外皮，内里系嫩滑无比嘅豆腐，口感独特。