Home Kitchen

营业中

休息中

前两日去左何文田Home Kitchan食晚餐，虽位处何文田，但其实离旺角超级近，旺角中心沿亚皆老街一直行，只需要十分钟左右就可以到达。平日不算多人，个环境好舒服，装修摆设很有感觉同格调。打开menu，颇多选择。店员推荐必试日本和牛汉堡，100%来自日本纯和牛。另外仲点左个美国安格斯肉眼扒配薯条，九成熟。讲下个和牛汉堡set餐先，看起来好似好细个咁，其实份量超足，牛肉味好出，自家手打汉堡果然出色。配上生菜蛋汁，令个包食起来超正，一d都唔会干争争。跟餐仲会送一杯饮品添，我地点左冻柠乐，都几大杯。再黎到九成熟既安格斯肉眼扒，不得不赞。卖相好靓好精致，牛扒煎得很香，牛肉瘦得黎又有少少脂肪，仔细品尝，牛味超重，齿颊留香。轻轻点一下黑松露酱，令整个扒都升华了，牛扒上放置了一d煎香了得菇片，增加咬感同菇香。呢个餐仲配埋薯条，厚切，香香脆脆的，冻左都好好味！呢间餐厅有唔少既养颜美容既花茶提供，例如我地点既茉莉花茶，卖相超靓，口味清新，润喉，瞬间感觉很健康养生。