慧食營

营业中

休息中

参观嘉道理农场之前做咗功课，知道农场入面有一间低碳素食餐厅。一入农场就会见到大大个招牌，一眼见到唔需要周围揾。做功课时见到有一篇好差嘅食评，所以都自备咗两个饭团以防万一。食过慧食营后觉得要为餐厅平反！店员好有笑容、好有效率。是日便当主菜系红烧豆腐，中间加咗紫菜，非常好味，配菜多色多款，有秋葵、南瓜、红萝卜、紫椰菜，全部都有营健康又好食，配高纤藜麦饭，加配是日餐汤甘笋汤。饮品叫热同冻嘅紫苏柠檬，一样咁好饮，紫苏叶更加系餐厅自己种。甜点叫咗可可松露，香浓好味，一口大细啱啱好。两款小食：薯角比较普通但都好味，清晒，鹰嘴豆泥块超超超正，味道口感都好好，酱汁好夹。餐厅行低碳路线，所有酱汁都系自家制，新鲜无添加。慧食营虽然唔及主店慧食堂好食同多款，但绝对做到低碳、好味、健康，值得一试！