鈴夏食堂 (已結業)

今日仲放紧新春假期，一家3口去元朗闹市揾食。谂起好包旁边有一间小小嘅拉面店，所以就去试吓。小店位置只有八个，好在我地去𠮶阵已经一点九，只有四个食客，唔洗等位，心情特别好。小女（3岁）最爱食汤面，一坐低就同侍应讲要食面同饮汤。个女侍应已经好好礼貌，俾个餐单俾佢、讲：倒杯暖水俾你好冇？转头就俾咗两杯暖水同小朋友餐具我地。总系觉得依啲小店先有人情味，最后点左两碗汤面，等嘅同时都影咗几幅店内照俾大家睇吓，好有日本feel。海老猪骨汤拉面(加面) $83+15大家唔好误会， 个面系冇炸虾，只系个汤底系可虾味。我个女一黎就饮左半碗汤，个汤底好丰富浓郁，面好Q,食到最后啲面都仲好弹呀，唔会一pat pat。碗面好大碗，可能因为系加面嘅原故。材料都好足，有大量嘅荀同葱、两块紫菜、一只蛋同埋两大片叉烧。要赞下佢只溏心蛋，刚刚好半生熟，味道啱啱好唔算太咸又唔太甜。辛肉猪骨汤拉面 $80我事头叫左碗新口味，餐牌冇架，应该系新推出，有张海报痴咗系墙度。好多辣油，但唔算辣，好味不过中意食辣既人可能会失望。希望依啲小店会越来越多，同埋品质可以一直保持到。