小王牛肉麵 (已結業)

小王牛肉面来自高雄，凭著牛肉面拎过奖，在香港都有几间分店， 格局都比较亲民。之前食过小王牛肉面，味道不错，衬著下午茶时间，点左2份下午茶餐。好开心下午茶餐竟然有金钱肚！！主角对我黎讲系金钱肚：好大块又好入味，一点雪味都无，我仲好喜欢小王面既质感，加上个汤极之浓郁，唔会太咸，食完十分满意加满足。另外老公点左肉躁蛋饭，味道都不错，同跟餐仲会有一杯蜂蜜绿茶呢。我觉得抵食加正宗过楼下大集团伪台湾菜啊。另外我地都加左份猪耳，蒜味超香口，因为今日唔想食煎炸野，如果唔系我都实会叫炸鸡排。我会用实而不华黎形容小王，无舖张宣传，但食物保持质素，员工都是香港风格，小王属于贴地既台湾牛肉面店。