栢檔極品海南雞飯 (已結業)

商场低调抵食餐厅，荃湾之天桥之都，行到去荃新天地一期地下电梯一落就是，橙黄青主色系logo tone既装修，非常光猛干净。职员好有礼貌，介绍佢地出名既海南鸡，本身谂住嗌一只，但佢见地两个女仔未必食得晒，建议我地分开嗌两个餐仲好，又平d又可以试多d，超级好！最后更平既价钱可以嗌到一台都系，满足~栢档海南鸡饭 $64海南鸡系鸡胸同鸡翼部位，鸡胸都好嫩滑，啖啖肉有鸡味，点埋佢𠮶三个酱一齐食仲滋味，配埋油饭，油香四溢，一个字: 正肉骨茶配白饭$64估唔到呢度几十蚊就有肉骨茶食，都几多排骨，分俾朋友试都得，啲肉煲得好淋好嫩滑，一咬成旧骨就出咗嚟，个汤充满药材味，有龙眼肉，淮山等，好足料，豆腐卜索晒汤汁，送饭一流香麻辣凤爪$28无骨凤爪，睇个样都见到好入味，食落有阵阵麻香，但又唔会好辣，唔食得辣嘅都可以一试时菜$18加多个菜，蚝油另上，$18好大碟好抵食加$14仲可以有特饮。荃湾低调扺食舒服之选！一定要黎试下。