影片
更多
2019-09-16
35 浏览
应该好多人都有听过喺香港食百碟宴，排场夸张又抢镜嘅京川沪菜。今次同另一个朋友去食日喜楼，但系因为百碟宴最少都要6或者12位，所以我哋今次就选择咗同样好好味既散叫菜式🥰日喜灌汤小笼包 ($74)我系一个彻头彻尾嘅小笼包控，只要有小笼包嘅地方就有我。黎到日喜楼当然都唔例外， 因为我觉得系上海菜嘅地方试小笼包就可以分辨到间餐厅嘅水准。小笼包一共有四只，老实讲我可以自己食晒一笼😂小笼包皮薄到晶莹剔透，可以望得到里面啲汤等紧我将小笼包咬开，然后就会好似洪水泛滥出嚟，掩盖我嘅味蕾！小笼包肉好粉嫩，肉质唔会好松散，亦都唔会好结实，中和之道大概就系咁嘅意思。😇黄金虾球 ($188)同行嘅朋友好钟意黄金乜乜乜，于是我哋就叫咗黄金虾球，其实呢味𩠌都系我同佢每次去餐厅一定会食嘅。虾球好大只，就算只系得虾肉嘅部份都有我手掌心嘅大。一咬入口虾肉弹牙度十足，可以想像到日喜楼用咗非常新鲜，仲识游水嘅活泼生猛虎虾，甚至乎系更加大只嘅虾！黄金脆皮好薄，绝对唔会有一旧粉凝固而影响口感。爆汁牛肉馅饼 ($48)顾名思义就知道呢个牛肉馅饼来头并非一般，大家真系要小心食，而且要摊凉少少先食，因为一咬开牛肉饼，啲牛肉汁就会喷出嚟
应该好多人都有听过喺香港食百碟宴，排场夸张又抢镜嘅京川沪菜。今次同另一个朋友去食日喜楼，但系因为百碟宴最少都要6或者12位，所以我哋今次就选择咗同样好好味既散叫菜式🥰
日喜灌汤小笼包 ($74)
我系一个彻头彻尾嘅小笼包控，只要有小笼包嘅地方就有我。黎到日喜楼当然都唔例外， 因为我觉得系上海菜嘅地方试小笼包就可以分辨到间餐厅嘅水准。小笼包一共有四只，老实讲我可以自己食晒一笼😂小笼包皮薄到晶莹剔透，可以望得到里面啲汤等紧我将小笼包咬开，然后就会好似洪水泛滥出嚟，掩盖我嘅味蕾！小笼包肉好粉嫩，肉质唔会好松散，亦都唔会好结实，中和之道大概就系咁嘅意思。😇
黄金虾球 ($188)
同行嘅朋友好钟意黄金乜乜乜，于是我哋就叫咗黄金虾球，其实呢味𩠌都系我同佢每次去餐厅一定会食嘅。虾球好大只，就算只系得虾肉嘅部份都有我手掌心嘅大。一咬入口虾肉弹牙度十足，可以想像到日喜楼用咗非常新鲜，仲识游水嘅活泼生猛虎虾，甚至乎系更加大只嘅虾！黄金脆皮好薄，绝对唔会有一旧粉凝固而影响口感。
爆汁牛肉馅饼 ($48)
顾名思义就知道呢个牛肉馅饼来头并非一般，大家真系要小心食，而且要摊凉少少先食，因为一咬开牛肉饼，啲牛肉汁就会喷出嚟。如果大家着咗白色衫，建议大家一咬落去嘅时候唔好咬得太深，轻轻咬一个窿系个包度，然后慢慢啜啲肉汁出嚟，最后先连包带肉咁大大啖食🤤
蜜汁火方 ($148)
呢个系口感层次享受，点解呢？因为每一片好似馒头质地既夹包，可以放入一片浸左蜜汁既金华火腿，以及一片脆炸薄春卷皮。一放入口有软熟既夹包、又甜又咸既火腿，脆脆薄片，所以口感一次过冲击口腔，好得意，新奇得黎又好夹。☺
其实说到底，都系好想有机会试下个驰名招版百碟宴🤩
张贴
