尚素 (已結業)

朋友为自己庆生，今年想搞搞新意思，于是就提议去食素菜。呢间素菜朋友之前食过话几好食，而且地点系观塘都算好方便，地铁站出大概行几分钟就到。睇完餐牌发现有二人套餐，而且只系＄388 ,包两款头盘、两款养生汤、一款主菜、一款炒饭或炒面、自家甜品同埋两杯饮品，选择丰富，于是二话不说即刻决定点二人套餐。呢款系第一款头盘，素叉烧系素食界黎讲已经好普遍，呢间味道不错，难怪成为招牌菜之一，味道真系好似真叉烧咁甜甜地好好食唔好睇呢款冷盘好似简简单单咁，但我同朋友食完都觉得就算唔洗点酱就咁食都好好食，厚度适中，愈嚼愈有豆腐香，而且完全唔会油腻我同朋友都拣咗素翅，汤本身比较「结」，所以饮完已饱左3成炒饭一上枱已经扑上一阵浓郁嘅黑松露味，未开餐已经令人食指大动，炒饭够干身但又唔会油腻，配上一粒粒嘅松子仁令到口感更加丰富，而且炒饭分量十足，最后我哋都食唔晒要拎走。呢款上汤娃娃菜味道比平日食嘅娃娃菜更加清淡，但我个人反而几钟意。红豆沙味道不错，即使好饱嘅我都饮得晒总括来讲，呢间素食餐厅质素不错，下次仲会黎试其他菜式。