百味川 (已結業)

近日发现呢间位于葵芳嘅正宗四川味面店，汤底有惊喜，价钱又亲民，有饭有面悉随尊便😆。下午茶套餐$38，一个两𩠌面+饮品，抵👍。加＄可转汤底，有酸辣、麻辣、蕃茄、沙爹及蕃茄酸辣。面底同样俾你拣，有米线、薯粉、油面，最特别有淮山面！我点咗酸辣汤+猪大肠+自家制韮菜水饺+薯粉，份量十足，香味四溢。急不及待呷一口浓汤，酸辣味做得好平衡，没有互相抢味嘅情况，入口先系感受到酸味，落到喉咙就感受到辣味，很有层次感。薯粉入口滑溜弹牙，渗透着汤底浓香。汤底加入酸菜、花生、芽菜。猪大肠嘅肥膏大部分已被剪去，所以食起来肥而不腻，没有腥味。自家制韮菜水饺一夹就烂，肥猪肉过多。汤底较𩠌菜做得出色，下次可以试埋其他汤底及面。不过，店员倾计声浪太大，连客人叫落单都听唔到，亦好骚扰在场食客。