影片
更多
2022-12-10
21 浏览
今日专登入元朗揾个好耐冇见既朋友食饭，地胆话食好啲所以就拣咗呢间隐世既低调但高手omakase 店 晚市有三款 : $1080/$1280/$1580我地拣咗中间𠮶款黎试试前菜： 京都萝卜：口感清爽，味道清新。𩽾𩾌鱼肝：会喺绵密口感嘅𩽾𩾌鱼肝上面加咗秘制嘅啫喱，令味道嘅层次得到提升。秋刀鱼卷 ：秋刀鱼呢个时间当造，鱼肉够肥美，仲有阵阵独有嘅鲜味。野生真鲷：嚟自九洲嘅真鲷，系白身鱼嘅一种，肉质清爽，加埋秘制嘅酸汁、萝卜蓉等，令味道更丰富。北海道带子：本身带子经已鲜甜无比，师傅除咗会刺激其神经，令口感更爽口之外，仲会喺带子上面加咗岩盐同埋酸酸甜甜嘅酸橘汁，可以有效提升带子嘅鲜味。䲠鱼：嚟自北海道嘅䲠鱼，鱼油较重，好啱用嚟做烟熏，师傅用咗禾秆草烟熏，令鱼肉增添独特嘅香味之外，仲可以辟除鱼肉嘅腥味，而因为较多油脂，所以师傅会配埋腌洋葱，可以令油腻感降低不少。八爪鱼：经过咗两小时嘅慢煮同用盐按摩，令肉质由烟韧变得软腍，煮得够入味，仲加埋柚子皮提鲜。𫚕鱼：依家嘅𫚕鱼系最肥美，入口嫩滑。深海池鱼：会比池鱼嘅鱼味浓，肉质亦都会较爽口。池鱼：口感会较软嫩，上面仲加咗香葱，增添一份清新嘅味道。汤：用咗好多
晚市有三款 : $1080/$1280/$1580
我地拣咗中间𠮶款黎试试
前菜：
京都萝卜：口感清爽，味道清新。
𩽾𩾌鱼肝：会喺绵密口感嘅𩽾𩾌鱼肝上面加咗秘制嘅啫喱，令味道嘅层次得到提升。
秋刀鱼卷 ：秋刀鱼呢个时间当造，鱼肉够肥美，仲有阵阵独有嘅鲜味。
野生真鲷：嚟自九洲嘅真鲷，系白身鱼嘅一种，肉质清爽，加埋秘制嘅酸汁、萝卜蓉等，令味道更丰富。
北海道带子：本身带子经已鲜甜无比，师傅除咗会刺激其神经，令口感更爽口之外，仲会喺带子上面加咗岩盐同埋酸酸甜甜嘅酸橘汁，可以有效提升带子嘅鲜味。
䲠鱼：嚟自北海道嘅䲠鱼，鱼油较重，好啱用嚟做烟熏，师傅用咗禾秆草烟熏，令鱼肉增添独特嘅香味之外，仲可以辟除鱼肉嘅腥味，而因为较多油脂，所以师傅会配埋腌洋葱，可以令油腻感降低不少。
八爪鱼：经过咗两小时嘅慢煮同用盐按摩，令肉质由烟韧变得软腍，煮得够入味，仲加埋柚子皮提鲜。
𫚕鱼：依家嘅𫚕鱼系最肥美，入口嫩滑。
深海池鱼：会比池鱼嘅鱼味浓，肉质亦都会较爽口。
池鱼：口感会较软嫩，上面仲加咗香葱，增添一份清新嘅味道。
汤：用咗好多嘅蚬嚟煮，所以极为鲜甜。
慢煮北海道𩽾𩾌鱼肝：𩽾𩾌鱼肝口感绵滑，入口即化，味道咸中带甜。
𩽾𩾌鱼煮物：鱼肉弹牙细嫩，有啲似田鸡肉，所用嘅汤亦都好鲜美。
缟虾 ：系同牡丹虾同级嘅高级刺身虾，虾膏经过火炙，加埋爽脆嘅虾肉一齐食，虾味更加浓郁。
梭子鱼：师傅喺鱼肉上加添酱油再将其火炙，味道带点焦香，油脂香气四溢。
长崎中拖：经过熟成七日，肉质更软腍，肉味更浓。
北海道马粪海胆：味道鲜甜，口感好Creamy，令人一食难忘。
手卷：用咗吞拿鱼蓉、自家腌制嘅三文鱼籽，口感丰富，味道鲜味。
面豉汤：热辣辣饮完成身暖晒
甜品：有白玉善哉之称嘅红豆汤，红豆煮得够烂，甜度适中。仲有静岗蜜瓜，清甜清爽
张贴
