蘭苑燒臘餐廳

营业中

休息中

太子返工的我放饭又要去揾食。之前同事话呢间烧味无得输，劲好食，仲夹左旧烧肉我试！哇！又真系好香！成个口阵阵咸香味同肉味，有少少肥令到啲肉特别嫩。个皮喺个饭盒入面焗左一轮，仲好脆！好！咁等我今日买个外卖饭盒试下其他烧味。呢个叉烧油鸡饭都算份量十足。叉烧有少少肥，肉质好软同嫩，外层烧得啱啱好，硬硬地，有焦糖化的感觉，叉烧汁调得好香！正！油鸡的肉都好入味！鸡肉好嫩，捞埋姜葱蓉同叉烧汁，成个饭盒话咁快食哂！我好怕食到外面的烧味，鸡肉一点味都无，只有雪味。虽然呢间老店价钱略高，但都算交足货！有下次！