香港嘉里酒店大堂茶座

营业中

休息中

我谂大家都因为去唔到旅行，香港试过好多唔同嘅酒店下午茶，不过有好多下午茶嘅质素都系名过于实，味道相当麻麻之余价钱又贵，但系嘉里酒店呢个下午茶，虽然冇咩人讲，但系佢嘅味道同价钱都相当令人惊喜！一嚟到已经有个三层下午茶架，而佢啲松饼都有毛巾包住，保持住松饼系一个和暖嘅状态！而且佢嘅餐饮系可以无限添饮！好啱一班姊妹坐响度一个下昼💕底层嘅甜品冇咩特别，最惊喜系绿色𠮶个「开心果红桑子蛋糕」食落去嘅开心果味好浓郁！啖啖惊喜！加埋红桑子，中和左蛋糕嘅甜，好想买多几个返去食！酥炸田鸡球棒💕虽然田鸡嚟听落去系一个好廉价嘅食物，但系要煮得好食都需要好大勇气！我唔太惊食田鸡，而且佢呢一个鸡头整得好好食！入面应该系有少少薯蓉沟埋啲填鸡肉去炸！但系炸出嚟嘅效果唔会话好油腻，反而仲食到田鸡嘅鲜味！最具特色嘅一定系呢个「野菌慕丝」第一眼望落去嘅时候真系估唔到系咩嘢，上面个菇头系黑松露慕丝，下面系一个面包，好啊切开一半咁一齐食，会提升左食物嘅味道💕