養心殿台式養生鍋 (已搬遷) 新店位置

呢篇系我第一篇食评，因为间野实在太差所以要打出黎，我最近见呢间野好hit所以同朋友黎试下，顺便庆祝佢生日，点知系完全中伏，服务、食物及环境都很差，价钱也不便宜，完全不明白佢点解咁受欢迎。首先食饭果日有人打黎confirm booking, 然后话净系收现金，我话上网睇有得收卡，佢先话收卡会慢啲，但都可以收既，咁ok la, 去到个带位小姐又讲多次净系收cash, 我话打电话个同事已经话可以收卡，咁佢去问下问完番黎又话可以收卡，埋单果时我比卡，个waiter又话要收cash, 话部卡机坏左，我话带位果位小姐已经话可以收卡，咁佢先比我比卡，最后成功比左卡，但已经证明左佢地专登呃人话部卡机坏左要人比cash。食物不算便宜，但完全系放题质素，叫左条$1488既象拔蚌，十分一般，口感好硬不鲜甜，唔似系加拿大货。佢啲雪花一口牛、羊肉都无咩味，价钱跟食物质素不成正比。成餐饭唯一满意既系黑松露虾丸。有次加汤唔知会声就加，当时我地三个都攞住个匙系度烚紧，搞到个肥牛粒要等啲汤滚先有得食。整体服务质素差，食物质素很一般，呢个价钱可以去食其他贵价更有质素既餐厅，不会再黎。