聯合興食館

营业中

休息中

好多时同D波友系乐富踢完波都会嚟LEE度食宵夜，吹下水讲返场波，潮州打冷基本上我哋个个都啱食，近近地的确系好选择。LEE度唔算难揾位，大枱细枱都有，啱晒我哋，人多D都唔怕。虽然今日只得几个人，衬记得影咗相介绍下先：卤水什锦拼盘：LEE度同平时食开有D唔同，佢无鹅件，但有牛百叶，即煮热的，味道唔会太咸，除咗牛百叶，仲有，红肠，墨鱼，鹅肠，卤蛋，豆腐等等…　讲开豆腐，好入味，正！蚝仔粥：都算干净，无砂无壳，全窝清晒，汤都无净。蚝饼：炸得好松化，算多蚝仔肉，虽然有D热气，都忍唔住食完再食。笋壳：第一次点，朋友介绍话好正，坚嘅，真系炸得好香口，但系食到鱼肉，好热，好甜，下次会再叫。鱼香茄子煲：有D油腻，不过煲仔菜+上茄子，又确系好难唔油嘅，就算饮啤酒清下都食唔晒，不过佢LEE度嘅煲仔都算唔差。整体嚟讲，LEE间打冷系唔错，有获气，全部𩠌都好热，上菜超快，快… 我最LIKE，仲想介绍下，今次无叫，上次食过炸大肠，够脆够热够香口，必食，不过今次唔系个个都食内脏，真可惜。