Red Rice 米飯主題餐廳 (億利工業中心)

营业中

休息中

D2 HSBC 做紧20蚊睇戏，紧系去捧场。而呢间餐厅就可以俾你睇完透一透，填一填肚。餐厅装修精简，环境干净，睇唔出系工厦。餐牌选择多，而且价钱好平，最紧要系好大份。板煎鸡排蛋包饭嫩滑嘅鸡蛋包住西炒饭而唔系白饭，比较特别。鸡排好大份，肉质唔会太烟韧，味道唔错。炸大虾沙律份量巨大，配上香脆大虾，啱哂D女士们。综合水果茶跟套戏只系加20蚊。够2至3个人饮，味道唔差，真系物超所值。布甸配榴梿雪糕布甸好弹，一掂就震腾腾。其中榴梿雪糕真系有好香浓榴梿美，朋友平时食开榴梿，都大赞呢个雪糕，必食。员工都好勤快同有礼貌。但值得一提嘅系餐厅入口，真系有D赶客，同室内差好远，建议落D小功夫改善下。