嘉彩酒樓 (已結業)

人数：11时间：晚上8时订枱：有一行11人去三圣邨食海鲜！之前同家人去开海都，但有一次朋友推介试过嘉彩之后每次黎三圣都会选择嘉彩。虽然海都靓D坐得舒服D，但价钱亦都比较贵，而嘉彩就系屋邨酒楼格局，但煮海鲜我地都觉得几好食同埋唔呃秤，所以我地都认为系平及正之选 。 今次一行11人星期一晚专程来吃海鲜，虽然是闲日，但都有订咗枱稳阵D，平时同屋企人来5－8人一般都唔使订枱 。 一坐低就带队去买海鲜啦！好快行一圈后就去咗一档老实姐姐到买海鲜，经过一辆讲价后（其实讲咗好少），我地买咗：大大带子一人一只、两大札细既圣子、一斤半大虾、五只好大只既濑尿虾、一斤小花螺、一斤沙白（定蚬）、两个大筒蚝同埋好大旧班块！埋单大概2千 。海鲜档的哥仔会帮忙将海鲜拎返去酒楼，然后酒楼会问我地想点整，我地叫咗： 1.蒜容粉丝蒸带子 － 带子真系好大只，蒸得岩岩好，唔「鞋」又好鲜味，不过粉丝少咗D，每人得少少。 2. 鼓椒炒圣子 － 超级大碟！估唔到两札有咁多！真系食极都有，呢盆系第一碟上，但食到最后都仲可以打包到一盒走，真系有好多。而味道都好OK。 3. 鼓油皇大虾 － 差唔多每次黎都会点，炒得好香口，