新蔡潤記魚旦粉麵 (已結業)

今日晏昼放饭，喺广福道附近揾到呢间粉面档，入面虽然环境恶劣，不过算啦食个饭姐冇所谓，对于打工仔最紧要依饱个肚！坐低之后叫咗个牛腩牛丸河粉加可乐，起初真系觉得几抵食因为双拼同价，落单之后等10几分钟，见到面档得一个姐姐，都知道佢辛苦所以都冇点追单。到碗野落枱嘅时候，我成个人呆咗，再左望右望已经觉得唔对路，份量少到七彩，所谓牛楠得三块仲要切到好似瘦肉咁细块，d河粉少到好似俾人食完一大半倒返落去咁，成碗野最正常两粒牛丸，大佬我唔系食儿童餐呀，打工最紧要食个饱肚饭姐，最嬲嘅仲要比我望到其他枱啲份量多我甘多，如果你间铺特色系份量少我冇嘢讲我最多加底，但实质唔系。我左望右望咗好耐我叫个姐姐过嚟，我相信姐姐应该知道咩事，指住个老细叫我自己揾佢，阿老细行过嚟我就直接同佢讲啲份量真系咁少㗎你间铺？够胆死同我讲其实你觉得唔够系可以加底，我叫佢望我碗野，未食过，已经系比人食咗一半甘制，佢即刻同我讲话叫姐姐整多碗俾我，我火都嚟埋，最后冇要到佢碗河粉，两分钟食完嗱嗱声食完走，唔系要你免费比多碗我，但系打开门做生意唔系真系悭成咁呀，仲要当啲客白痴