影片
更多
2023-08-16
738 浏览
一向冇饭瘾，晏昼最钟意就系食馄饨同饺子。今日嚟深水埗做嘢，又畀我哋发掘到间新开嘅馄饨饺子店。餐厅门面光鲜，店内装修新簇，地方干净企理，座位阔落，坐得好舒服。我哋点咗大馄饨、手工饺子同煎饺，+$30 仲可以配炖汤一盅，有乌鸡人参同排骨人参可供选择。原味鲜肉大馄饨 ($42) 馄饨大大只，皮很滑，入面嘅猪肉馅肥瘦适中，肉味亦调校得啱啱好，食落清爽又唔油腻，完全没有猪膻味。香茜鲜肉饺子 ($45) 呢款饺子嘅外形好饱满，粒粒都胀卜卜，咬开见到入面包住满满嘅嘅芫茜同肉碎，入囗味道好清新。韭菜鲜肉煎饺 ($53) 煎饺嘅卖相好靓仔，色泽金黄，咬下脆卜卜。入面嘅韭菜份量多又够鲜爽，猪肉馅有粗有幼，口感有层次。+$30 点嘅乌鸡枸杞炖人参汤，亦值得畀个 Like，汤水火喉十足，人参味很突出，入口味道好鲜甜，内有乌鸡同杞子，滋补又养身。另外仲点咗两杯饮品 ，冰镇酸梅汁 ($7) 味道酸咪咪，非常醒胃；冻豆浆 ($7) 微甜滑顺，入口豆味好浓郁。最后拣咗客驴打滚 ($12) 作结，糯米皮烟烟韧韧，入面嘅红豆蓉不多，但食落几绵密，口感唔错，值得一试。
一向冇饭瘾，晏昼最钟意就系食馄饨同饺子。今日嚟深水埗做嘢，又畀我哋发掘到间新开嘅馄饨饺子店。
餐厅门面光鲜，店内装修新簇，地方干净企理，座位阔落，坐得好舒服。
我哋点咗大馄饨、手工饺子同煎饺，+$30 仲可以配炖汤一盅，有乌鸡人参同排骨人参可供选择。
原味鲜肉大馄饨 ($42) 馄饨大大只，皮很滑，入面嘅猪肉馅肥瘦适中，肉味亦调校得啱啱好，食落清爽又唔油腻，完全没有猪膻味。
香茜鲜肉饺子 ($45) 呢款饺子嘅外形好饱满，粒粒都胀卜卜，咬开见到入面包住满满嘅嘅芫茜同肉碎，入囗味道好清新。
韭菜鲜肉煎饺 ($53) 煎饺嘅卖相好靓仔，色泽金黄，咬下脆卜卜。入面嘅韭菜份量多又够鲜爽，猪肉馅有粗有幼，口感有层次。
+$30 点嘅乌鸡枸杞炖人参汤，亦值得畀个 Like，汤水火喉十足，人参味很突出，入口味道好鲜甜，内有乌鸡同杞子，滋补又养身。
另外仲点咗两杯饮品 ，冰镇酸梅汁 ($7) 味道酸咪咪，非常醒胃；冻豆浆 ($7) 微甜滑顺，入口豆味好浓郁。
最后拣咗客驴打滚 ($12) 作结，糯米皮烟烟韧韧，入面嘅红豆蓉不多，但食落几绵密，口感唔错，值得一试。
张贴
