四姐川菜

营业中

休息中

川菜向来系我中国菜入面最钟意嘅菜系，今日朋友话想食中餐，我就即刻提议食呢间位于湾仔嘅四姐川菜。2人餐分别可以拣2款凉菜，3款热菜。凉菜我地就拣左口水鸡同蒜泥青瓜 ，而热菜我地就拣左干扁四季豆、椒盐虾同埋辣子鸡。川菜咁辣，当然唔少得饮茶解渴喇。手拍蒜泥青瓜非常青新，师傅味道调得刚好，非好食。口水鸡非常有住家感觉，而且唔会太辣，唔太食得辣嘅朋友都可以挑战下。呢个抄生菜系送嘅，非常有锅气，味道都相当唔错。干扁四季豆系我非常钟意嘅一道菜，师傅落左雪菜、肉粒等同四季豆一齐抄，食落非常香口惹味，岩晒送饭食。椒盐虾亦相当好味，虾壳炸到脆卟卟咁，可以连埋壳一齐食，师傅细心咁剪左虾头，番番有虾膏嘅部分，成只虾食落鲜味十足，大推!最后呢个辣子鸡花椒味重，而且都几辣，岩晒送饭。