sweet'spice

营业中

休息中

一向喜欢食韩菜，知道何文田有间由韩国人开嘅餐厅，即刻想试试。餐厅唔算好大，播住韩流歌曲，有在家嘅感觉。餐牌就写喺墙上面，午餐同晚餐menu唔同，星期一至五同星期六日都有唔同。店员推介赤鱼，上到枱果然好香好吸引，条鱼卖相超正。条鱼系有条中间大骨，仲有少少侧边嘅细骨，但已经炸到脆晒，所以可以尽情大啖食。条鱼啖啖肉，鱼上面嘅调味好惹味，少少辣，系有种食极唔够嘅感觉。呢条鱼系必食推介！另一个餐系牛肉蛋饭，一样有前菜同埋海带汤。牛肉煎得香口惹味，炒蛋亦好味。加咗自家制酱汁，甜甜地配牛肉同蛋，好特别。晚餐来讲，唔算贵，但食到韩国嘅味道同埋友善店员的服务。