影片
更多
2015-02-05
2775 浏览
夜晚约好同呀妈出去食饭但无奈翌日系假期，油尖旺区餐厅大多座无虚席谂唔到食咩好，越拖越夜就会更难揾位最后灵机一触，谂起呢间我曾多次路过都未试过既中菜嗯！一于食下呢间有住家感觉，声称无味精既住家菜啦！虽然都要等位，但可以一边等，一边填餐单唔单止令到客人等位果阵冇咁闷冇咁易不满早早填好菜单，入座快上，仲会提升效率，又唔使个客等咁耐一举多得既聪明做法，值得其他食肆参考啊！环境唔会太过挤迫，而且张枱都够大摆位食物既卫生情况系可以接受，周边干爽不黏笠，地面亦无显然既污水或垃圾装潢几特别，因为佢本身座位既感觉系有少许似茶餐厅但用到既装饰又带有中国风，例如系雕刻工艺既图样，配合其中菜风格服务颇有屋企既感觉职员都系呀叔呀姐，但工作起来爽手快捷佢地都唔会板起面，而系同店名所走既路线一样，甚算亲切就算当时有枱出现左一些点餐出菜既误会大家都系平静解决，冇话好似经常系香港地见到既「嘈到拆天」加上有熟客时又会寒喧数句，打电话有得订枱仲可以留𩠌让人不禁谂起番屋企食饭，打俾家人讲声，提议煮咩菜式既情况柚子西柠鸡卖相不错，睇到酱汁颜色系平时柚子蜜既色水，唔系萤光色又唔会好似某些餐厅真材实料，只用上柠檬汁，制成既酱汁却是
夜晚约好同呀妈出去食饭
但无奈翌日系假期，油尖旺区餐厅大多座无虚席
谂唔到食咩好，越拖越夜就会更难揾位
最后灵机一触，谂起呢间我曾多次路过都未试过既中菜
嗯！一于食下呢间有住家感觉，声称无味精既住家菜啦！
虽然都要等位，但可以一边等，一边填餐单唔单止令到客人等位果阵冇咁闷冇咁易不满
早早填好菜单，入座快上，仲会提升效率，又唔使个客等咁耐
一举多得既聪明做法，值得其他食肆参考啊！
环境唔会太过挤迫，而且张枱都够大摆位食物既卫生情况系可以接受，周边干爽不黏笠，地面亦无显然既污水或垃圾
装潢几特别，因为佢本身座位既感觉系有少许似茶餐厅
但用到既装饰又带有中国风，例如系雕刻工艺既图样，配合其中菜风格
服务颇有屋企既感觉
职员都系呀叔呀姐，但工作起来爽手快捷
佢地都唔会板起面，而系同店名所走既路线一样，甚算亲切
就算当时有枱出现左一些点餐出菜既误会
大家都系平静解决，冇话好似经常系香港地见到既「嘈到拆天」
加上有熟客时又会寒喧数句，打电话有得订枱仲可以留𩠌
让人不禁谂起番屋企食饭，打俾家人讲声，提议煮咩菜式既情况
柚子西柠鸡
136 浏览
1 赞好
0 留言
卖相不错，睇到酱汁颜色系平时柚子蜜既色水，唔系萤光色
又唔会好似某些餐厅真材实料，只用上柠檬汁，制成既酱汁却是不太讨好既透明版本
我地不约而同松了一口气，终于可以放心食啦挂？
份量颇合理，底下冇用菜去垫高呃秤架
先试试柚子西柠酱，酸度有调整过，自然不过激
酱汁既香气有柚子及西柠两道，互相配合，各带风味
原本我都冇谂过会将两种酱混合，而且还是酸甜有致，色香兼备
鸡肉外层炸香，脆身却不油腻，没有泛起油光
炸皮厚薄均匀得宜，酥香可口，贴住鸡肉既一面唔系粉浆既稠烂
鸡肉熟透而不干柴，没有雪味及腥味去影响整体味道
配上酸甜清香既酱汁，开胃不滞
镇江小排骨
56 浏览
0 赞好
0 留言
再来一客酸酸甜甜的开胃菜！
镇江酱汁稠度合宜，紧附排骨每一面，又唔会过盛至稠腻
酸味主要来自醋香，而甜度不会过份
酸甜交织，就算系食多多都冇咁易腻滞，反而愈见和味
小排骨的确冇花假，系一口大小，真实份量其实不多
胜在佢既骨系软骨，脆脆地有咬口
肉质非常紥实，肉味颇淡但调味充分渗透，入味惹味
最爱既一点系佢唔会好似蒸排骨咁多脂肪位，无腻感
砂锅鱼云煲
84 浏览
0 赞好
0 留言
一锅上来，热得出白烟，正合我们心意
冬天当然要食热辣辣既食物暖暖身啦！！！！！
成煲系装到满哂，睇都觉好足料，此时反倒系呀妈担心食唔哂会浪费xd
鱼云有两大块，当中附有数口鱼肉，嫩滑重鱼肉香
最最重要既胶质，不用多想，明显是满满的
滑溜微黏有如啫喱，鱼香浓郁又不腥腻
平日对鱼头及周围部位避之则吉，今次受呀妈影响踏出安全带一试
岂知让我联想起小时原来已经尝过，当时既甘香滋味，一试难忘
只系人越大越怕麻烦，多骨少肉既看也不多看
下次我会醒水，宁愿多花时间去食，都唔好错失美味！
酱汁重味够香，不会太水汪汪淡而无味
收得刚好，同场既豆腐是完完全全吸收酱汁
湿润又惹味，将一般平平无奇既豆腐卜摇身一变成万人迷
当然味浓亦都要注意其油腻感
通常食得耐，放凉左佢就开始结油，会变得油淋
话就话冻左都唔觉好腥．只系最好就梗系快口食啦，否则同人分享趁热食为佳
鲍鱼鸡粒竹筒饭
73 浏览
0 赞好
0 留言
鲍鱼鸡粒竹筒饭竹筒饭系真系装系竹筒，唔系话得个名就咁装饭系金属器皿就算数
一揭开表面既竹筒盖，就已经见到多得快满泻既饭粒！
舀饭既时候真系要小心翼翼，以免浪费如此吸引既竹筒饭
舀开一碗，咦！又几足料㖞:^0
鲍鱼粒切成小块，带有嚼劲但又唔会过于老韧如橡皮
咀嚼间竟然仲有少许鲍鱼淡香，仲以为佢系唔新鲜冇哂味果种添，错估了
当然啦，比起鲍鱼粒，更多既系鸡丁以及瓜粒
前者够稔够味，冇雪味及腥味
切得大小刚好，就算老左d都唔会黏牙缝:^)
后者固然之有清香，爽口富水分，增添少少健康成分xd
饭底香口调味足，粒粒分明既饭粒系毫不水烂，干爽亦不油腻
老实说，系装系竹筒当中，不过完全没有一丝竹香
咁讲真个筒都无限使用，直到佢折旧至毁损，几香都消散殆尽啦
感觉上竹筒饭只系为风味姐，系特别既
同埋佢地用料大方，竹筒两头都有盛满饭，冇话偷工减料
芋头西米露
115 浏览
1 赞好
0 留言
免费赠送既饭后糖水，但绝不马虎
色水系冇平日见到咁紫，呢个系稍为乳白色
芋香浓得惊喜，味道自然不造作，糖水中仲潜藏几块煮得绵香即化既芋头
至于西米就又滑又稔，只有微黏，唔会痴到成大团咁
喝罢，只感意犹未尽
食都未食完，呀妈已经讲定话下次要再番黎
因为我地失算冇拣定呢间，所以冇订位冇留𩠌
到我地食既时候，好多主打菜式厨师推介，如阿嫲鸡，已早早售罄
见到咁多咁吸引，令人垂涎既款式只流别人田，只得暗自叹气
我地下次去一定要早早留位，仲要拣定哂留好想食既𩠌菜，任务必须成功！
张贴
