星座冰室 (已搬遷) 新店位置

有日一早要去尖沙咀攞嘢所以上网睇吓最近有乜嘢好嘅早餐食，见到好多人写呢度嘅蕃茄蛋面好好味所以专登过嚟试。地点方便唔难揾，叫咗蕃茄蛋猪扒面，唔算得系超级超级好食但系有少少屋企食饭嘅感觉同味道，都几特别嘅，分量刚刚好（适合一个唔系太肚饿嘅女仔，如果大食啲嘅又或者我超级肚饿就可能觉得唔够食）。我唔会特登返嚟食但系如果喺附近唔知食乜都或者会再返嚟嘅。