湯直送 (已結業)

我好喜欢饮中国汤，觉得汤水好能够调理身体健康， 好可惜之前几个月冇姐姐用，所以冇煲汤好耐啦，老公对我真好， 特别带咗我去这间餐厅饮汤。老公帮我点了一个 '花胶炖杏汁鲜奶'，( 因为我自己唔舍得点$128 一份) ，好足份量，有三大块花胶，其中两块有我手掌咁长，有一块仲长过我个头，真系好有惊喜，杏汁够香，花胶好嫩滑，唔会过火，仲落咗薏米，所以好有咬口。老公点了一个'粟米栗子炖鸡'，好多料，仲有原粒干瑶柱， 有三大碗咁多，$55蚊的价钱，自己喺屋企都煲唔到。 用木桶装都几有特色。